,
2024 წლისთვის „მაკშაურმა“, ნატახტარში 30 მლნ ლარის ინვესტირებით საწარმოს გახსნას გეგმავს. კომპანიის დამფუძნებელმა და დირექტორმა რამაზ ხარებავამ „საქმიან დილაში“ სტუმრობისას აღნიშნა, რომ საწარმოს ამოქმედების შემდეგ კომპანია ქართულ ბრენდის რესტორნების ქსელის საკუთარი ნედლეულით მომარაგებას შეძლებს.
„ახალი საწარმო 2024 წელს ნატახტარში, ჩვენი მეურნეობის მიმდებარედ გაიხსნება. მოგეხსენებათ, „მაკშაურმას“ პროდუქტს ჩვენივე ნედლეულით ვაწარმოებთ, რომელიც ჩვენს მეურნეობაში მოგვყავს. დღეისთვის მოქმედი საწარმო მხოლოდ 4 რესტორნის მომარაგებას უზრუნველყოფს, თუმცა საწარმოს ახალი პროექტის განხორციელების შემდეგ ჩვენი რესტორნების მომარაგებას სრულად ჩვენი ნედლეულით შევძლებთ. ახალი საწარმო 4 ჰა-ზე განთავსდება და ის როგორც ხორცის გადამმუშავებელ, ასევე პურ-ფუნთუშეულის წარმოებებს აერთიანებს. ის სრულიად ახალი დანადგარებით იქნება აღჭურვილი და მაცივრებსაც მოიცავს. გვინდა ყველაფერი ჩვენი გვქონდეს. მომავალში საქართველოს მასშტაბით 21 ფილიალის გახსნა გვსურს, რაც საწარმოს გარეშე ვერ მოხერხდება“, - განაცხადა რამაზ ხარებავამ.
ახალ პროექტზე „მაკშაურმა“ საკონსულტაციო კომპანია VIANOVA-ს დამფუძნებელ კლაუს შლოფერთან ერთად მუშაობს, რომელიც სწორედ ამ პროექტისთვის მოიწვიეს. კომპანიის ახალ კონსულტანტს ამ და სხვა სფეროებში ბრენდის განვითარების დაგეგმის პროცესში კონსულტირების 40-წლიანი გამოცდილება აქვს. „საქმიან დილაში“ სტუმრობისას კლაუს შლოფერი აღნიშნავს, რომ „მაკშაურმა“ მართლაც სწრაფად იზრდება, რაც გარკვეულ საფრთხეებთან არის დაკავშირებული, რომელთა არდაშვება გამართული მიწოდების ჯაჭვის შემთხვევაშია შესაძლებელი.
„საქართველო დაკავშირებულია სტუმარმასპინძლობასთან და აქ კომპანიას ზრდის ძალიან დიდი პოტენციალია. კომპანიის განვითარების ერთ-ერთი მთავარი ნაბიჯი ადგილობრივი საწარმოო ჯაჭვის გაძლიერება და გაზრდაა. საწარმოს ვგულისხმობ. აქ სოფლის მეურნეობის კუთხით ძალიან დიდი შესაძლებლობებია და ჩვენ ამას სამომავლო გეგმების ნაწილად ვაქცევთ.
ჩემი ჩართულობა კომპანიის საქმიანობაში სხვადასხვა მიმართულებით წარიმართება. იქნება ეს უძრავი ქონება - რესტორნების განვითარება, თუ მათი მოდიფიცირება, რაც მომხმარებელს იზიდავს. მნიშვნელოვანია ისიც, როგორ დავუჭიროთ მხარი ამ პროდუქტის გამრავალფეროვნებას“, - განაცხადა კლაუს შლოფერმა.
აღსანიშნია, რომ „მაკშაურმა“ 2023 წელს ქვეყნის ოთხ რეგიონში ოთხი ფილიალის გახსნას გეგმავს, რისთვისაც 20 მლნ ლარის ინვესტიციას ჩადებს. ახალ ფილიალებთან ერთად კომპანია მომხმარებლისთვის ახალი პროდუქტის შეთავაზებაზე მუშაობს, რომელზეც ჯერ არ საუბრობს.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
