,
აშშ-ის სახელმწიფო მდივანმა, მაიკ პომპეომ ჩინეთს სამუდამოდ ყველა იმ ბაზრის დახურვისკენ მოუწოდა, სადაც ველური ცხოველების ხორცი იყიდება, რადგან ასეთი ბაზრები ზოონოზური დაავადებების გავრცელებასთან არიან კავშირში.
“ბაზრებზე ველური ცხოველების ხორცის უკანონო გაყიდვასა და ზოონოზურ დაავადებებს შორის კავშირის გათვალისწინებით, შეერთებული შტატები ჩინეთს მოუწოდებს მსგავსი ბაზრები სამუდამოდ დახუროს”, – ნათქვამია პომპეოს განცხადებაში.
სახელმწიფო მდივნის მოწოდებას ჩინეთში უპასუხეს.
როგორც ბრიფინგზე ქვეყნის საგარეო საქმეთა სამინისტროს ოფიციალურმა წარმომადგენელმა, გენ შუანმა განაცხადა, ქვეყანაში არ არსებობს “სველი ბაზრები”, სადაც ველური ცხოველებით ვაჭრობენ.
“პირველ ყოვლისა, მსურსზ გავნმარტო, რომ ჩინეთში არ არსებობს ეგრეთ წოდებული “სველი ბაზრები”, სადაც ველური ცხოველებით ვაჭრობენ. მათ მაგივრად ჩინეთში ყველაზე ხშირად შეიძლება შეხვდეთ ფერმერულ და ზღვისპროდუქტების ბაზრებს, სადაც ახალი ხორცი, თევზი, ბოსტნეული, ზღვისპროდუქტები და სოფლის მეურნეობის სხვა პროდუქტები იყიდება. ბაზრები კი, სადაც ცოცხალ შინაურ ფრინველს ყიდიან – ძალიან ცოტაა”, – აღნიშნა დიპლომატმა.
მისი თქმით, ჩინეთის მსგავსი ბაზრები არსებობს სამხრეთ-აღმოსავლეთ აზიის სხვა ქვეყნებშიც და ისინი ადგილობრივების ყოველდღიურ ცხოვრებასთან არიან მჭიდრო კავშირში.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
