,
აშშ-ის სახელმწიფო მდივანი მაიკ პომპეო საქართველოში გამართულ შეხვედრებს სოციალურ ქსელ „ტვიტერში“ ეხმიანება.
„მე მქონდა პროდუქტიული საუბრები ჩემს კოლეგებთან და დარწმუნებული ვარ, რომ ჩვენი ძლიერი, დინამიური ორმხრივი ურთიერთობა მტკიცედაა დამყარებული ჩვენს საერთო ღირებულებებსა და საქართველოს ტერიტორიული მთლიანობისადმი ერთგულებაზე,“- წერს მაიკ პომპეო.
მისი თქმით, საქართველოს პრემიერ-მინისტრსა და საგარეო საქმეთა მინისტრთან გამართულ შეხვედრაზე საქართველოში თავისუფალი, სამართლიანი და გამჭვირვალე არჩევნების ჩატარების მნიშვნელობაზე იმსჯელეს.
„შესანიშნავი შეხვედრა მქონდა პრემიერ-მინისტრ გიორგი გახარიასა და საგარეო საქმეთა მინისტრ დავით ზალკალიანთან, რომლის დროსაც საქართველოში თავისუფალი, სამართლიანი და გამჭვირვალე არჩევნების ჩატარების მნიშვნელობაზე ვიმსჯელეთ. რუსეთის ოკუპაციის პირობებში კიდევ ერთხელ დავადასტურე აშშ-ს ურყევი მხარდაჭერა საქართველოს სუვერენიტეტის მიმართ,“- წერს მაიკ პომპეო.
მისი თქმით, სასიამოვნო იყო საქართველოს პრეზიდენტთან შეხვედრაც.
„სასიამოვნო იყო დღეს თბილისში პრეზიდენტ სალომე ზურაბიშვილთან შეხვედრა. აშშ-ის საქართველოსთან თანამშრომლობას უდიდესი მნიშვნელობა აქვს და რუსული ოკუპაციის პირობებში, ჩვენი მხარდაჭერა საქართველოს სუვერენიტეტის მიმართ ურყევია“, - წერს სახელმწიფო მდივანი.
მაიკ პომპეო ასევე აღნიშნავს, რომ დიდი სიამოვნებით შეხვდა საქართველოს პატრიარქს.
„დიდი სიამოვნებით შეხვდი მის უწმინდესობას, საქართველოს მართლმადიდებელი ეკლესიის პატრიარქს ილია მეორეს. აღუწერელია საქართველოს, როგორც საერთაშორისო რელიგიური თავისუფლების ალიანსის წევრის, როლი რელიგიური თავისუფლების პოპულარიზაციასა და დაცვაში,“- აცხადებს მაიკ პომპეო.
აშშ-ის სახელმწიფო მდივანი ასევე აღნიშნავს, რომ საქართველომ კორუფციის წინააღმდეგ ბრძოლაში, სახელმწიფო ინსტიტუტების განვითარებასა და უსაფრთხოების გაძლიერებაში პროგრესს მიაღწია.
„საქართველოს აქტიური სამოქალაქო საზოგადოების წარმომადგენლებთან გულწრფელი საუბარი მქონდა სასამართლო რეფორმებსა და დემოკრატიულ პროგრესზე. საქართველომ კორუფციის წინააღმდეგ ბრძოლაში, თანამედროვე სახელმწიფო ინსტიტუტების განვითარებასა და უსაფრთხოების გაძლიერებაში პროგრესს მიაღწია,“- წერს მაიკ პომპეო.
სახელმწიფო მდივანი ხაზს უსვამს, რომ შეერთებული შტატების კერძო ინვესტიცია დამოკიდებულია სტაბილურ, დამოუკიდებელ სასამართლო სისტემაზე. „ჯერ კიდევ ბევრი სამუშაოა ჩასატარებელი - ჩვენი მხარდაჭერა გრძელდება,“- წერს პომპეო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
