,
საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ საქართველოს გარემოს დაცვისა და სოფლის მეურნეობის მინისტრის მოადგილეებთან, ნინო თანდილაშვილთან და აპოლონ კაკაბაძესთან ერთად ტყის რესურსების უკანონოდ მოპოვებასთან დაკავშირებით კანონმდებლობის გამკაცრების საკითხზე შეხვედრა გამართა.
შეხვედრაზე ხე-ტყის უკანონო მოჭრის ფაქტის დაფიქსირებისას პასუხისმგებლობის გამკაცრების საკითხებზე იმსჯელეს.
შეხვედრის მონაწილეებმა ასევე იმსჯელეს გარემოს დაცვის შესახებ საქართველოს კანონში ცვლილების შეტანის თაობაზე, რომელიც გულისხმობს მონიტორინგის აღრიცხვისა და ვერიფიკაციის სისტემის შექმნას (MRV).
აღნიშნული სისტემის დანერგვა ევროკავშირთან ასოცირებისა და ენერგეტიკული გაერთიანების (Energy Community) შეთანხმების ფარგლებში არსებული ვალდებულებაა, რომელიც ემისიებით ვაჭრობისთვის აუცილებელი წინაპირობაა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
