,
ბელარუსი აკეთებდა და ყველაფერს გააკეთებს, რომ უკრაინასა და რუსეთს შორის ომი არ იყოს. ამის შესახებ ბელარუსის პრეზიდენტმა Associated Press -თან ინტერვიუში განაცხადა.„ჩვენთვის კატეგორიულად მიუღებელია ომი. ჩვენ ვაკეთებდით და ყველაფერს გავაკეთებთ იმისთვის, რომ ეს ომი არ იყოს“ , - განაცხადა ლუკაშენკომ.
მანვე აღნიშნა, რომ სწორედ ბელარუსის დამსახურებით დაიწყო მოლაპარაკებები უკრაინასა და რუსეთს შორის.
„მე ვიცი რუსეთის პოზიცია. ვიცი, რა არის რუსეთის შეთავაზება უკრაინისადმი. მაგრამ უკრაინა, რომლის ტერიტორიაზეც მიდის ფაქტობრივად ომი, საბრძოლო მოქმედებები, იღუპებიან ადამიანები, არ არის დაინტერესებული ამ მოლაპარაკებებით - ისმის კითხვა, თუმცა ამ კითხვაზე პასუხის პოვნა შესაძლებელია ვაშინგტონში“ , - განაცხადა ბელარუსის ლიდერმა.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
