ლომისის სალოცავის ეზოში, სადაც ლომისობის დღესასწაულს აღნიშნავენ, კაცი შეუძლოდ გახდა და გარდაიცვლა. შემთხვევა დღეს, 10 ივნისს მოხდა.

როგორც  საგანგებო სიტუაციათა მართვის სამსახურში აცხადებენ, კაცს მაშველებმა პირველადი დახმარება ადგილზე გაუწიეს, თუმცა მისი გადარჩენა ვერ მოხერხდა.

გარდაცვალების მიზეზი, ამ ეტაპზე, უცნობია.

შეგახსენებთ, რომ ლომისობის დღესასწაული დუშეთის რაიონში, ყოველ წელს, აღდგომიდან მე-7 კვირას აღინიშნება. მლოცველებს სწამთ, რომ ლომისის წმინდა გიორგის სახელობის ეკლესია გამორჩეული ძალის მქონეა. ისინი სალოცავს შინაურ ცხოველს, უმეტესად,ცხვარს სწირავენ და სჯერათ, რომ სათხოვარი, რომლითაც ისინი ტაძარში მიდიან, აუსრულდებათ. სწორედ მსხვერპლშეწირვის გამო, ამ ტრადიციას ბევრი მოწინააღმდეგე ჰყავს, რომლებიც ცხოველების მასობრივად ხოცვას აპროტესტებენ. მიუხედავად ამისა, ლომისობის დღესასწაული ყოველწლიურად, ჩვეულებისამებრ, აღინიშნება