USD 2.7084
EUR 2.9337
RUB 2.9233
Tbilisi
ლილო მოლის გენერალური დირექტორი გიორგი კვალაცხელია - ,,ზარალი იმდენად დიდია, რომ ამის დათვლა შეუძლებელი იქნება"
Date:  810

მისივე თქმით მთავრობასთან შეხვედრის შემდეგ, აღარ დარჩათ კითხვები - ხომ არ გადაიწევს ბაზრობების გახსნის თარიღი კიდევ.

,,ეს შეხვედრა იყო უდავოდ პოზიტიური. ვიხსნებით პირველი თებერვლიდან. არსებულ რეგულაციებს ერთადერთი ნორმა, პერიოდული ტესტირება დაემატა. ჩვენი თანამშრომლების 20/20 პროცენტი გაიტესტება ორ კვირაში ერთხელ. შერჩეული იქნებიან თანამშრომლები სხვადასხვა ადგილებიდან ისე, რომ სურათი დანახვა შევძლოთ. ეს ძალიან მნიშვნელოვანი იქნება, ეპიდ-სიტუაციის კონტროლის კუთხით. სხვა ყველა რეგულაცია რჩება, რომლითაც დახურვამდე ვმუშაობდით, ძალაში რჩება. 

მუშაობის განახლების უფლება რომ არ მოგვეცემოდა 16-ი იანვრიდან, რამდენიმე დღის წინ გავიგეთ და დღეს შედგა პირველი საქმიანი კომუნიკაცია, რომელიც მომავალშიც გაგრძელდება“

„ამ ეტაპზე, კომუნიკაციის პრობლემა სამთავრობო უწყებებთან არ გვაქვს. ყოველთვის წინასწარ ვგრძნობთ, როგორ გადაწყდება ესა თუ ის საკითხი. ამის მიხვედრაში ჩვენი 30 წლიანი გამოცდილება და ბევრი, გადავლილი ქარტეხილი გვეხმარება. გუშინდელ შეხვედრაზე ცალსახად ითქვა, რომ 1-ლი თებერვლის მერე ეს თარიღი არ გადაიწევს. გავიხსნებით რეგულაციებით და ვამატებთ პერიოდულ ტესტირებას. ჩვენ ყველაფერს გავაკეთებთ, რომ პირველი თებერვლიდან ღირსეულად გავიხსნათ და გავაგრძელოთ ფუნქციონირება.

არ მსურს დეტალებში ჩასვლა, თუ რამდენი იზარალა კონკრეტულად კომპანიამ. აქ საუბარი არ არის მხოლოდ ,,ლილო მოლზე“ საუბარია 4 000-ამდე მეწარმეზე. ზარალი იმდენად დიდია, რომ ამის დათვლა იქნება შეუძლებელი. თუმცა მჯერა, რომ ერთად დგომით ამასაც გადავიტანთ. ჩვენთან საიჯარო გადასახადზე 70%-იანი შეღავათი გაკეთდა და დარჩენილი თანხის გადავადებებშიც დავეხმარეთ.“-ამბობს კვარაცხელია და იმ შეღავათებზეც საუბრობს, რომელიც მთავრობისგან მიიღეს.

,,შეღავათები რაც გაკეთდა იყო ძალიან მნიშვნელოვანი და გათვალისწინებულ იქნა ჩვენი მოთხოვნები. აქ საუბარია დღგ-ს ნაწილში დაბეგვრის ბაზად მიჩნევას შემოსავლიდან. იცით, რომ ჩვენ ამ პერიოდში შემოსავლის პრობლემა გვაქვს და აქამდე რა წესიც მოქმედებდა იმით არ ჰქონდა მნიშვნელობა იბეგრებოდი თუ არა. ახლა ეს შეიცვალა და დაბეგვრა ხდება მიღებული შემოსავლიდან, რაც ამ გაჭირვების პერიოდში საკმაოდ მნიშვნელოვანია. ერთადერთი რასაც ჩვენ კიდევ ვითხოვთ, ქონების გადასახადის კიდევ ერთხელ 2021 წლის ბოლომდე გადავადებაა“-თქვა, კვარაცხელიამ ,,საქმეში“.

sport
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

See all
Survey
ვინ გაიმარჯვებს რუსეთ - უკრაინის ომში?
Vote
By the way