,
ლევან ვასაძის განცხადებით, ხელისუფლება სირაქლემის პოზიციიდან უნდა გამოვიდეს და ეკლესიის დასაცვად ქმედითი ნაბიჯები უნდა გადადგას.
„ეს ლოკალური მოვლენა არ არის, ბავშვთა სახლებში სექსუალურ და სხვა სახის სკანდალებზე აპელირება ეკლესიაზე დარტყმის ლიბერალური გლობალისტური ძალების მხრიდან ტრადიციული იარაღია. ჩვენ უვიცები და ბრმები უნდა ვიყოთ,რომ იმას, რაც ხდება ბავშვთა სახლის გარშემო განვიხილავდეთ მხოლოდ, რაღაც ლოკალურ ინციდენტს.
გვესმის დაუმტკიცებელი ინფორმაციები, მსგავსი განცხადებები აუცილებლად უნდა გახდეს, კომპეტენტური ორგანოების მხრიდან გამოძიების საგანი.
მინდა მივმართო ჩვენს ხელისუფლებას და მოვუწოდო, სირაქლემის პოზიციიდან გამოვიდეს და გადადგას უფრო ქმედითი ნაბიჯები, რათა დაიცვას თავისი პარტნიორი კონკორდატის შეთანხმების ფარგლებში. მინდა, ვუთხრა ჩვენი ქვეყნის პოლიტიკურ ხელმძღვანელობას, პირველ რიგში, „ქართულ ოცნებას“ საეკლესიო დღესასწაულებზე 2 მეტრიანი კელაპტრებით, სანდომიანი სახით დგომა და პატრიარქთან შეხვედრებზე ძახილი, რომ ეკლესია უმნიშვნელოვანესი ინსტიტუტია საკმარისი არ არის. სახელმწიფო ვალდებულია დაიცვას თავისი ეკლესია! მას ამისათვის ყველა ინსტიტუტი გააჩნია“, - განაცხადა ვასაძემ."- ამის შესახებ „ერთობა, რაობა, იმედის" დამფუძნებელმა ლევან ვასაძემ ჟურნალისტებთან განაცხადა, რითაც ნინოწმინდის პანსიონატში მიმდინარე მოვლენებს გამოეხმაურა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
