,
ჟურნალისტმა ლევან სალუქვაძემ “იმედის ფსონის” ეთერში საქართველოს ახალგაზრდული ნაკრების წაგებაზე, ხვიჩა კვარაცხელიასა და ჟორჟ მიქაუტაძის გადაწყვეტილებებზე და ვილი სანიოლზე ისაუბრა.
“წავაგეთ არათუ ერთი მატჩი, წავაგეთ დიდი ოცნება, ოცნებების სასაფლაოა საერთოდ ჩვენი საფეხბურთო დაუმოკიდებელი ცხოვრება. ხან, ჯერ არველაძეებისა და ქინქლაძის თაობის გვჯეროდა, კიდევ რაღაც გამონათებები გვქონდა, ახლა მაკედონიასთან მატჩის გვჯეროდა. და საოცარი რა არის იცით, ბოლო ორი დიდი იმედი, ორივე თბილისში იყო, ორივე “დინამოს” სტადიონზე, ორივე ჩვენ ხელში, ორივე დავაკელით. არ ვიმსახურებდით გასვლას, რადგან ორივეში დავაკელით.
პირველში ის დავაკელით, რომ უეფას მიერ დაშვებული მაყურებლები ჩვენ არ შევუშვით, გამოვდექით რომის პაპზე მეტად კათოლიკები და წავაგეთ ის თამაში. მე არ ვამბობ, რომ აუცილებლად მოვიგებდით. უფრო მეტი შანსი გვექნებოდა, რომ მოგვეგო. მეორე იყო და აგერ ევროპის ჩემპიონატი. ოლიმპიადა, სახელი, ჩამოსული მთელი მსოფლიო აქ არის, ორ საუკეთესო მოთამაშეს არ ვათამაშებთ. მე არ ვიცი ეს მოთამაშეების გადწაყვეტილება იყო, იმათი კლუბების, იმათი მენეჯერების, ფედერაციის, მწვრთნელების, სანიოლის თუ ვისი. არ მაინტერესებს. მთავარი არის, ვისაც ეხებოდა ამის მოგვარება, იმას უნდა ექნა ყველაფერი, რომ ამათ ეთამაშათ. როგორ მოხდებოდა არ მაინტერესებს, აქ იმიტომ არიან ეს ხალხი, იმიტომ მართავენ. მესმის გადაწყვეტილება რთული მისაღები იყო, მესმის მე არავინ შემეკითხებოდა როგორც მოქვეცეულიყავით და არც ამაზე მაქვს პრეტენზია. პრეტენზია იმაზე მაქვს, დამდგარ შედეგზე შეფასება გავაკეთო.
და გითხრათ რა შედეგი გაქვთ? პირდაპირ გეტყვით, ოლიმპიადა გაცვალეთ კვიპროსის სამ ქულაში. ეს არის თქვენი ლოჯისტიკა თუ “დაპლანვა”, რას ეძახით, დაგეგმარება. კვიპროსის სამი ქულა ანაცვალეთ ოლიმპიადას. რავიცი, ეს თუ არის კარგი მენეჯმენტი, ასე გააგრძელეთ ბატონო. გაუფუჭეთ ხასიათი ყველას. დალაპარაკებოდით, პატარა ბიჭია, 20 წუთი რომ შემოსულიყო მიქაუტაძე და კვარაცხელია, ბოლო 20 წუთი ისრაელთან, გაარღვევდნენ შუაზე იმ დაცვას, გავდიდოდით. სამი ქულა სადაც გინდა იქ წაიღეთ. რომელი სჯობდა? ნახევარფინალში გასვლა კი არა, 21-წლამდეთა ფინალურ ეტაპზე მოხვედრა გაგვიხდება სანატრელი, დამიჯერეთ ასეთი შანსი არ გვექნება.
ვინ არის სანიოლი? თამაშებზე არ დადიოდა. ჯგუფურ თამაშებზე არ იყო. მთელი მსოფლიო აქ არის ჩამოსული ფეხბურთის საყურებლად და ეს სადღაც წავიდა. თბილისში იცხოვრებსო და მერე ძველ ქალაქში და შარდენში კაფეს დაჯდეს, მაგიტომ კი არ მიხარია. ქართულ ფეხბურთს უნდა დაესწროს. ამაზე უკეთეს ადგილას სად წავიდოდა ნაკრების მწვრთნელი? ჯერ 10 ფეხბურთელი ნაკრების აქ ჰყავს, ვინც არ არის ნაკრებში, პოტენციურად ნაკრებში მისაწვევია ხვალ და ზეგ. დაგიბერდათ ფეხბურთელები, ასაკში არიან, კანკავა თუ წავიდა, სხვები ნაკლებად კი არ არიან ასაკში. უკვე მოდის მათი შეცვლის დრო და აქედან უნდა შეცვალოს. სხვა ქვეყანაში წავიდოდი სანიოლის ადგილას, ამ ტურნირის სანახავად, არათუ თბილისში არ დავესწრებოდი. დიდი აფიშები, სანიოლი ისრაელთან მატჩს დაესწრება. დიდი მადლობა, ძალიან დიდი მადლობა რომ დაესწრო. ახლა გქონდეთ კვიპროსის 3 ქულა და არ დაგეკარგოთ არსად, იმ ჯგუფში რაში გამოგადგეათ, მაგასაც ნახავთ. 30 წუთი კი არაა, 30 წელია ვნერვიულობ.
ვენაცვალე ზურიკოს, ტრაპიდან ბუცებით ჩამოვიდა და ისე ითამაშა. ან მამარდაშვილი რითია ნაკლები სხვებზე ან სხვებზე ნაკლებად დაიღალა?” – განაცხადა სალუქვაძემ.
წყარო: https://fanebi.com/
თბილისის მერია გადასასვლელ ხიდთან, ცოტნე დადიანისა და სადგურის მოედნის დამაკავშირებელი ესტაკადის მშენებლობას გეგმავს. ახალი ინფრასტრუქტურული პროექტი 2026 წლის ბიუჯეტში უკვე გათვალისწინებულია და მასზე მომდევნო წელს 10 მილიონი ლარი დაიხარჯება, 2027 წელს კი დამატებით 87.5 მილიონი ლარი. მთლიანობაში 280-მეტრიანი ესტაკადის პროექტირება-მშენებლობის წინასწარი სავარაუდო ღირებულება 100 მილიონ ლარს შეადგენს. პროექტზე საგზაო მარშრუტის კვლევაზე 2025 წელს უკვე 2.5 მილიონი ლარი დაიხარჯა.
2026 წლის ბიუჯეტის განმარტებით ბარათში მითითებულია, რომ სარკინიგზო მაგისტრალი ქალაქის ცენტრალურ მონაკვეთს ყოფს იმგვარად, რომ მოედნის პარალელურად არსებულ ქუჩებს შორის დაკავშირებადობა მინიმალურია და აუცილებელია საზოგადოებრივი ტრანსპორტისთვის ახალი ინფრასტრუქტურის შექმნით ქალაქის უბნების დაკავშირებადობა გაუმჯობესდეს.
"ქალაქ თბილისის ცენტრში არსებული რკინიგზის კორიდორი და თანმდევი ინფრასტრუქტურა ქმნის 4-კილომეტრიან მონაკვეთს აღმოსავლეთ-დასავლეთ სატრანსპორტო კავშირის გარეშე, გარდა შეზღუდული რაოდენობის საფეხმავლო კავშირებისა. ეს ისტორიული დაბრკოლება ხელს უშლის თბილისის სატრანსპორტო გეგმის პრიორიტეტებისკენ მისწრაფებას. სადგურის მოედანი მდებარეობს აღნიშნულ ამ 4-კილომეტრიან მონაკვეთში. ის წარმოადგენს დედაქალაქის უმნიშვნელოვანეს სატრანსპორტო „ჰაბს“, სადაც თავს იყრის 61 ავტობუსის მარშრუტი, მეტროს 2 ხაზი, ისევე როგორც საქართველოს რკინიგზის სერვისები. ტერიტორია ემსახურება საათში 330 ავტობუსის სერვისს, საიდანაც მომავალში 150 გამოიყენებს ხიდს. თბილისის სატრანსპორტო გეგმის თანახმად, სადგურის მოედანი ასევე იქნება თბილისის საგარეუბნო რკინიგზის სერვისების თავმოყრის წერტილი, რაც კიდევ უფრო მნიშვნელოვანს გახდის მისი, როგორც სატრანსპორტო ჰაბის ფუნქციას. ამჟამინდელი მდგომარეობით, აღმოსავლეთ-დასავლეთ კავშირის არარსებობა აფერხებს მაღალი ხარისხის ჰაბის განვითარებას, ხშირად 22 ავტობუსის მარშრუტის შეწყვეტა ხდება ვადაზე ადრე ან ახორციელებენ 1.5 კილომეტრიანი შემოვლითი მგზავრობას, რომელიც მნიშვნელოვნად ზრდის გადაადგილების დროს, ჰაერის დაბინძურებასა და ვიბრაციას, ისევე როგორც ამცირებს მარშრუტების ხარჯეფექტიანობას. თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევამ, რომელიც მსოფლიო ბანკის დახმარებით ჩატარდა, მულტიკრიტერიუმიანი ანალიზის საშუალებით, გამოავლინა თბილისის ცენტრში არსებული რკინიგზის ხაზის ორ მხარეს (აღმოსავლეთ და დასავლეთ) შორის ახალი კავშირის შექმნის საუკეთესო ალტერნატივა - საზოგადოებრივი ტრანსპორტის პრიორიტეტის მქონე საავტომობილო ხიდი, დადიანის ქუჩასა და სადგურის მოედანს შორის. ქ. თბილისის მუნიციპალიტეტის მერია ფლობს თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევის საფუძველზე შექმნილ ანგარიშს, კონცეფციას. პროექტის მიზანი არის, ამ კონცეფციით განსაზღვრული, საავტომობილო ხიდის მშენებლობა.
აღნიშნული ობიექტი წარმოადგენს საავტომობილო ხიდს ქალაქ თბილისში, რომელიც დააკავშირებს სადგურის მოედანს დადიანის ქუჩასთან და იქნება 280 მეტრი სიგრძის, 8.5 მეტრი სიგანის სწორ მონაკვეთში, ხოლო 15 მეტრი სიგანის მოხვევის მონაკვეთში (ე.წ. სპირალი, რომელიც ეშვება სადგურის მოედანზე). ხიდი იქნება ორზოლიანი და დასავლეთით, სადგურის მოედანზე დაშვებისას, რამპას ექნება მარჯვნივ ჩამხვევი ზოლი. რკინიგზის დერეფნის კვეთისას აუცილებელია 7 მეტრიანი სხვაობა რკინიგზის ლიანდაგსა და ხიდის სტრუქტურას შორის. საავტომობილო ხიდი ითვალისწინებს 18 მეტრიანი ავტობუსების მართვის ტრაექტორიებს, მისი მაქსიმალური გრძივი ქანობი - 10.7%, ხოლო მინიმალური რადიუსი - 12 მეტრი. საავტომობილო ხიდის გამტარობა შერეული ნაკადების პირობაში იქნება 800 ავტომობილი ერთ საათში ერთი მიმართულებით", - ნათქვამია 2026 წლის ბიუჯეტის განმარტებით ბარათში.
წყარო: https://bm.ge
