,
მიმაჩნია, რომ ოპოზიცია პლებისციტს წააგებს, - ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა კრისტიან დანიელსონთან შეხვედრამდე განაცხადა.
მისი თქმით, ევროპული საბჭოს პრეზიდენტის, შარლ მიშელის პირადი წარმომადგენლის საქართველოში კიდევ ერთი დღით დარჩენა იმაზე მიუთითებს, რომ არსებობს საკითხები, რომლებზეც პოზიციები დაახლოებულია.
„წუხელ დამიკავშირდნენ და მითხრეს, რომ დღეს დილით გაიმართებოდა შეხვედრა. მოვედი და ვიმედოვნებ, რომ საბოლოდ შეთანხმებით დასრულდება. დანიელსონის დარჩენა იმაზე მიუთითებს, რომ არსებობს საკითხები, რომლებზეც პოზიციები დაახლოებულია.
რა საკითხზეც ვსაუბრობდი აქამდე, იმ საკითხზე ვისაუბრებ კვლავ, ეს არის სასამართლო რეფორმის შესაძლებლობა ამ შეთანხმების ფარგლებში, რაც ძალიან მნიშვნელოვანი საკითხია და მიმაჩნია, რომ ამ საკითხის ხელიდან გაშვება არ შეიძლება. სასამართლოს რეფორმა ბევრად უფრო მნიშვნელოვანია, ვიდრე ნებისმიერი ტიპის შეთანხმება.
პლებისციტი არ მგონია კარგი იდეა, მაგრამ თუ ოპოზიცია დაუჭერს მხარს, მათი გადასაწყვეტია. მიმაჩნია, რომ ეს ოპოზიციისთვის ცუდი გამოსავალია, რადგან პლებისციტს წააგებს“, - განაცხადა ლევან იოსელიანმა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
