გარემოს დაცვისა და სოფლის მეურნეობის მინისტრის ლევან დავითაშვილის განცხადებით, ეკონომიკურ ზრდასთან დაკავშირებით, საქართველოს მთავრობის პროგნოზი უფრო გამართლდა, ვიდრე საერთაშორისო საფინანსო ორგანიზაციების. მისი თქმით, ქვეყანაში 2021 წელს ორნიშნა ეკონომიკური ზრდა დაფიქსირდა.

შეგახსენებთ, საქსტატის წინასწარი შეფასებით, 2021 წლის დეკემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.6 პროცენტი შეადგინა, ხოლო 2021 წლის საშუალო რეალური ზრდა 10.6 პროცენტით განისაზღვრა.