,
პოლიტოლოგი ლევან ბოძაშვილი, ირაკლი ღარიბაშვილის მეორედ გაპრემიერებას ეხმაურება და აცხადებს: "მოველი, რომ სამთავრობო გუნდის საკმაოდ დიდი ნაწილი შეიცვლება და ეს კარგია, რადგან მოსახლეობაში დიდია ანტისტაგნაციური მოთხოვნები და ამ გამოწვევის დაძლევას სჭირდება ახალი მიდგომები".
მისი თქმით, ობიექტურად რომ შეფასდეს, ირაკლი ღარიბაშვილის დროს ჩაეყარა საფუძველი ინოვაციებისა და ტექნოლოგიების საბჭოს, სწორედ მაშინ ბევრად უფრო მეტი გაკეთდა, ვიდრე რომელიმე „ქართული ოცნების“ სხვა პრემიერის დროს ამ კუთხით.
ბოძაშვილის თქმით, მის დროს მოხდა ასოცირების შეთანხმების რატიფიცირება და მისი ფორმალური ინიციატივით ჩაიწერა კონსტიტუციაში ქორწინების, როგორც მხოლოდ ქალისა და მამაკაცის კავშირის ფორმულირება.
„სამივე საკითხი, გარდა საარჩევნო და სასამართლო თემატიკებისა, მნიშვნელოვანია და გარკვეულ გამოწვევებს მოიცავს. პირველი შემთხვევაში მისაღები და განსასაზღვრია ქვეყნის საერთო ეროვნული ხედვა, რათა ქვეყანა ტექნოლოგიური ჩამორჩენილობიდან სწრაფად ამოვიდეს. შესაქმნელია ცალკე სპეციალიზირებული უპორტფელო სამინისტრო, რომელიც ამ სტრატეგიებს განახორციელებს. ეს იმდენად მნიშვნელოვანი საკითხია, რომ ყველაფერს მოიცავს, დაწყებული ეკონომიკური განვითარებიდან, დასრულებული ტექნოლოგიური სუვერენიტეტით. ამ კუთხოთ თითქმის არაფერია გაკეთებული.
მეორე შემთხვევაში ასოცირების განხორციელება ვერ პასუხობს სათანადო მოთხოვნებს და სრული გადახალისებაა საჭირო საკადრო და მიდგომითი თვალსაზრისით და მესამე შემთხვევაში გამოწვევა იქნება ჯო ბაიდენის 4 თებერვლის მემორანდუმი სექსუალურ უმცირესობათა უფლებების განსაკუთრებული დაცვის კუთხით და ამ მემორანდუმის პარტნიორ ქვეყნებში განხორციელების უზრუნველყოფა, რომლის დარღვევის გამო მემორანდუმის მიხედვით ამერიკის ადმინისტრაცია ვალდებული იქნება დააწესოს სანქციები, შეწყვიტოს დაფინანსება და შეამციროს სხვა პარტნიორული გეგმები. ამიტომ, ეს შეიძლება დიდ გამოწვევად იქცეს მისთვის. იგივე ეხება სასამართლო და მთლიანად მართლმასჯულების სისტემის რეალურ რეფორმირებას, რაც ასევე ხაზგასმით მნიშვნელოვანია პარტნიორი ამერიკისთვის, როგორც დემოკრატიის რეალური საზომი.
მოველი, რომ სამთავრობო გუნდის საკმაოდ დიდი ნაწილი შეიცვლება და ეს კარგია, რადგან მოსახლეობაში დიდია ანტისტაგნაციური მოთხოვნები და ამ გამოწვევის დაძლევას სჭირდება ახალი მიდგომები“, - განაცხადა ლევან ბოძაშვილმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
