,
Wiv Global-ის პარტნიორის და წარმომადგენელის საქართველოში, ევროკავშირის ბლოკჩეინისა და ხელოვნური ინტელექტის პროგრამის მკვლევარის ლევან ბოძაშვილის განცხადებით, მის გუნდს მზად აქვს ბლოკჩეინ ტექნოლოგია, რომელიც უზრუნველყოფს ონლაინ ხმის მიცემას პარლამენტშიც, არჩევნებზეც და სამთავრობო სერვისებშიც.
WiV Technologies-ს ინოვაციის პროგრამისა და გლობალური ერნსტ&იანგ-ის ბლოკჩეინ პლატფორმის ფარგლებში მზადაა შესაბამისი და სრულად დაცული ტექნოლოგია, რომელიც საშუალებას იძლევა ხმის მიცემის პროცედურები განხორციელდეს ონლაინ, საკუთარი კომპიუტერისა და თუ სატელფონო აპლიკაციის მეშვეობით. იმ შემთხვევაშიც კი, თუ არჩევნების პერიოდში ეპიდემიური კრიზისი შენარჩუნდა, ტექნოლოგია მოგვცემს საშუალებას არჩევნები სახლიდან გაუსვლელად ჩავატაროთ.
განსხვავებით სხვა ონლაინ ტექნოლოგიებისგან, ბლოკჩეინზე დამყარებული ტექნოლოგიური გადაწყვეტები სრულად დაცულია რაიმე სახის გაყალბებისგან.
აღსანიშნავია, რომ ტექნოლოგია საკმაოდ იაფია და ამავე დროს პრევენციას უკეთებს ამ პერიოდისთვის არსებულ თავშეყრით რისკებს, რომ არაფერი ვთქვათ არჩევნებისათვის დასახარჯ ათეულ მილიონობით ლარის დაზოგვაზე.
მნიშვნელოვანია, რომ ამ პროგრამულ გადაწყვეტას მიღებული აქვს ევროკავშირის ჰორიზონ ინოვაციების 2020 პროგრამის აღმატების ჯილდო და ის უკვე დანერგილია გლობალურად.
დონალდ ტრამპმა რუსეთსა და უკრაინას შორის „სამშვიდობო გეგმას“ მხარი დაუჭირა, - ინფორმაციას NBC News-ი აშშ-ის პრეზიდენტის ადმინისტრაციის მაღალჩინოსანზე დაყრდნობით ავრცელებს.
გამოცემის ცნობით, აშშ-ის პრეზიდენტმა, დონალდ ტრამპმა მხარი დაუჭირა რუსეთსა და უკრაინას შორის ომის დასრულების მიზნით შემუშავებულ 28-პუნქტიან „სამშვიდობო გეგმას“, რომელზეც ამერიკელი მაღალჩინოსნები რუსეთის პრეზიდენტის სპეციალურ წარმომადგენელთან, კირილ დმიტრიევთან და უკრაინელ ოფიციალურ პირებთან ბოლო რამდენიმე კვირის განმავლობაში ფარულად მუშაობდნენ.
როგორც გამოცემა წერს, აშშ-ის მხრიდან გეგმაზე პრეზიდენტის სპეციალური წარმომადგენელი სტივ უიტკოფი, ვიცე-პრეზიდენტი ჯეი დი ვენსი, სახელმწიფო მდივანი მარკო რუბიო და დონალდ ტრამპის სიძე ჯარედ კუშნერი მუშაობდნენ.
„გეგმა მდგრადი მშვიდობის მიღწევის მიზნით ორივე მხარისთვის უსაფრთხოების გარანტიებს ითვალისწინებს. გეგმა იმას შეიცავს, რაც უკრაინას სურს და მდგრადი მშვიდობისთვის სჭირდება“, - განუცხადა გამოცემას ამერიკელმა მაღალჩინოსანმა.
ამერიკელმა ოფიციალურმა პირმა გამოცემასთან გეგმის დეტალებზე არ ისაუბრა და აღნიშნა, რომ პროცესში ჩართულ მხარეებთან გეგმასთან დაკავშირებით მოლაპარაკებები ჯერ კიდევ აუცილებელია.
ამასთან, გამოცემის ინფორმაციით, გეგმის ჩარჩო უკრაინულ მხარეს უნდა წარუდგინონ და პროექტის შესახებ საბოლოო შეთანხმების ვადა უკრაინაში პენტაგონის დელეგაციის ვიზიტს ემთხვევა.
გამოცემის წყაროს თქმით, უკრაინაში პენტაგონის დელეგაციის ვიზიტი „სამშვიდობო მოლაპარაკებების განახლების“ მიზნით თეთრი სახლის გეგმის ნაწილია.
