,
.jpg)
რამდენიმე წუთის წინ "ლელოს" ოფისში ოპოზიციის შეხვედრა დასრულდა. ოპოზიციის წარმომადგენელბი სამომავლო გეგმებზე საუბრობდნენ და მომავალი აქციაც დაგეგმეს.
ოპოზიცია მაიკ პომპეოს საქართველოში ვიზიტის დროს მდუმარე აქციას გეგმავს, რომლისდროსაც აქციის მონაწილეებს დაურიგდებათ სტიკერები, რომელზედაც ეწერება, რომ "არჩევნები გაყალბდა".
გარდა ამისა ოპოზიცია რესპუბლიკის მოედანზე დიდი ბანერებსაც გამოფენს, რომელთაც ზემოდან საქართელოსა და ამერიკის დროშა ექნება, ხოლო შუაში კი იქნება წარწერა, რომ არჩევნები გაყალბდა.
შეხვედრის შემდეგ „ერთიანი საქართველოს“ ლიდერმა ნინო ბურჯანაძემ ჟურნალისტებთან განაცხადა, რომ საპროტესტო აქციები გაგრძელდება.
მისივე თქმით, დღეს შეხვედრაზე საუბარი იყო საორგანიზაციო საკითხებზე.
„ვიმსჯელეთ, აზრი არის საერთო, საუბარი იყო იმასთან დაკავშირებით, თუ როგორ უნდა ჩატარდეს აქცია, რომელიც დაანახებს ამერიკის სახელმწიფო მდივანს ქართველი ხალხის პროტესტს, ვისაუბრეთ სხვა ტექნიკურ საკითხებზეც, სამართლებრივ საკითხებზეც. გრძელდება კოორდინირებული მუშაობა იმისათვის, რომ საქართველოში გაყალბებული არჩევნები ხელისუფლებას არ შერჩეს და მოვიპოვოთ ხელახალი არჩევნები, საპროტესტო აქციები კვლავინდებურად გაგრძელდება“, - განაცხადა ნინო ბურჯანაძემ.
ოპოზიციური ლიდერების თქმით, ისინი ხვალაც შეიკრიბებიან და დეტალებზე დამატებით იმსჯელებენ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
