,
რუსეთის საგარეო საქმეთა მინისტრმა სერგეი ლავროვმა უკრაინისთვის ტერიტორიულ დათმობაზე წასვლა გამორიცხა. ინფორმაციას რუსული მედია ავრცელებს.
„როგორ დავუთმოთ, რუს ხალხთან ერთად, თუ ადამიანების გარეშე? მხოლოდ იშვიათ წიაღისეულ ლითონებთან ერთად?“, - ციტირებს მედია ლავროვს.
რუსეთის პირველმა დიპლომატმა აგრეთვე თქვა, რომ უკრაინისთვის ტერიტორიული დათმობა საბჭოთა კავშირის შექმნის დროს მოხდა, როცა უკრაინის საბჭოთა სოციალისტური რესპუბლიკის საზღვრებში შეიყვანეს „უზარმაზარი ტერიტორიები, სადაც ასწლეულების მანძილზე რუსი ხალხი ცხოვრობდა, აშენებდა, ქმნიდა ქალაქებს, აღმართავდა ქარხნებს“.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
