ლალი ღლონტი-შვეიცარიაში მცხოვრები ინჟინერ-გეოფიზიკოსი

ლალი ღლონტი-შვეიცარიაში მცხოვრები ინჟინერ-გეოფიზიკოსი

თარიღი : 02.05.2022 11:53 262

დავიბადე და გავიზარდე თბილისში. თბილისის სახელმწიფო უნივერსიტეტი წითელ დიპლომზე დავამთავრე. ეს იყო 90-იანი წლების საქართველოს უმძიმესი პერიოდი, როცა არ იყო დენი, გაზი, გათბობა, როცა სწავლა გაყინულ ოთახში სანთლის შუქზე გიწევდა. როცა არ იყო სამუშაო და არც მისი შოვნის პერსპექტივა. ეს იყო დრო, როცა გქონდა მიზნები და ოცნებები, წარმოუდგენელი იყო სპეციალისტად ჩამოყალიბება და ცხოვრებაში საკუთარი გზის პოვნა.

მე გამიმართლა და 1997 წელს მუშაობა დავიწყე დუბნის (მოსკოვის ოლქი, რუსეთი) ბირთვული კვლევის გაერთიანებულ ინსტიტუტში, სადაც მონაწილეობა მივიღე ბირთვული კვლევების ევროპულ ორგანიზაციასთან- ცერნთან კოლაბორაციაში, ატლას დეტექტორისთვის მიონური კამერების შექმნაში, აწყობასა და ტესტირებაში.

მოგვიანებით მუშაობა გავაგრძელე ცერნში, ატლას დეტექტორის უსაფრთხოების სამსახურის ჯგუფის ხელმძღვანელის პოზიციაზე. სადაც 5 წლის განმავლობაში პასუხისმგებელი ვიყავი დეტექტორისა და ხალხის უსაფრთხოებაზე. სამუშაო ძალიან საინტერესო, საპასუხისმგებლო და მრავალფეროვანი იყო. ვმუშაობდი საკმაოდ დატვირთული განრიგით. ჩემს მოვალეობებში შედიოდა: ატლას დეტექტორის პარამეტრების კონტროლი, ცერნის ამაჩქარებლის ცენტრალურ მაკონტროლებელ სისტემებთან კავშირი და მართვა, ცვლების ორგანიზება, ვიზიტების ორგანიზაცია და მართვა, სამუშაოების კონტროლი დეტექტორის ექსპერიმენტულ სივრცეში (მომუშავე პერსონალის უსაფრთხო შესვლა-გამოსვლის პროცედურების კონტროლი და ა.შ.), მასალებისა და ხელსაწყოების რადიაციულ არეში გადაადგილების კონტროლი და ბევრი სხვა.

შემდეგ მუშაობა გავაგრძელე ცერნის ამაჩქარებლის 25-კილომეტრიან გვირაბში (LHC Tunnel), სადაც მსოფლიოს წამყვან ინჟინრებთან და ფიზიკოსებთან ერთად ვაკეთებდი ამაჩქარებლის მაგნიტების ელექტრულ ტესტებს.

ორი წელი ვიმუშავე High Luminosity LHC პროექტის ლიდერის ასისტენტად. ჩემი მოვალეობა იყო ამ პროექტში მომუშავე მეცნიერების პუბლიკაციების მონაცემთა ბაზების შექმნა და ატვირთვა ცერნის დოკუმენტების სერვერზე. გავაკეთე პუბლიკაციების საძიებო სისტემა EXCEL-ში და ვიმუშავე ისეთ სისტემებთან, როგორებიცაა CDS, EDMS და INDICO. ასევე მონაწილეობა მივიღე ცერნის ისეთ პროექტებში, როგორიც არის: SMACC (Superconducting Magnets And Circuits Consolidation), ARIES (Accelerator Research and Innovation for European Science and Society), EuCARD-2 (Enhanced European Coordination for Accelerator Research & Development) და NSW (Muon New Small Wheels).

CERN-ი მსოფლიოში უდიდესი ბირთვული ფიზიკის ლაბორატორია, საფრანგეთისა და შვეიცარიის საზღვარზე მდებარეობს, რაც თავის თანამშრომლებს საშუალებას აძლევს იცხოვრონ ამ ორი ქვეყნიდან ნებისმიერში. ის არის ორენოვანი ორგანიზაცია, რომლის ოფიციალური სამუშაო ენებია ინგლისური და ფრანგული.

მსოფლიოს წამყვანი სახელმწიფოების შეთანხმების საფუძველზე, CERN-ი ფინანსდება 22 ქვეყნის მიერ, მათი ბიუჯეტების პროპორციულად. სამწუხაროდ, საქართველო არ არის მისი არც დამფინანსებელი ქვეყანა და არც ასოცირებული წევრი, ამიტომ მის მოქალაქეებს არ აქვთ უფლება, გახდნენ CERN-ის პირდაპირი თანამშრომლები (მიიღოს პოზიცია), თუმცა სხვადასხვა ქვეყნის სახელით ცერნში ყოველწლიურად ათობით ქართველი მეცნიერი მუშაობს.

საერთაშორისო ინსტიტუტებში მუშაობამ მასწავლა, რომ თუ რაღაც ძალიან გინდა, ის აუცილებლად მოვა შენთან. ცხოვრებაში შეუძლებელი არაფერია, მთავარია იყო შრომისმოყვარე, გქონდეს მიზანი, გიყვარდეს შენი საქმე და გქონდეს სურვილი, რომ იყო წარმატებული!

სხვა

3 თვეში საქართველოში $25.7 ათასის ორგანოების იმპორტი განხორციელდა

ავტორი:ვიქტორია მღებრიშვილი

მიმდინარე წლის 3 თვეში საქართველომ 25.7 ათასი დოლარის ღირებულების ორგანოთერაპიისთვის განკუთვნილი ჯირკვლები და სხვა ორგანოების იმპორტი განახორციელა. 2022 წლის დასაწყისში ქვეყანაში შემოტანილი ორგანოების მოცულობა გასული 4 წლის ანალოგიური პერიოდების იმპორტს აღემატება.

ოფიციალური სტატისტიკით ორგანოთერაპიისთვის შემოტანილი ამ დასახელების საქონლის მოცულობა იანვარ-მარტში 0.13 ტონა იყო.

რაც შეეხება ორგანოების იმპორტის წლიურ მონაცემებსა და იმ ქვეყნებს, სადაც საქართველო საქონელს ყიდულობს, საქსტატის მიხედვით, ბოლო ათი წლის განმავლობაში იმპორტის ყველაზე მაღალი მაჩვენებელი 2012 წელს გვქონდა (183 ათასი დოლარი, 0.74 ტონა). აღსანიშნია, რომ პანდემიის დაწყების პირველ წელს საქართველოდან 0.23 ტონა ორგანოების შესაძენად 155 ათასი დოლარი გავიდა. გასულ წელს კი 0.44 ტონა იმპორტირებული საქონლის ღირებულებამ 89.9 ათასი დოლარი შეადგინა.

ოფიციალური სტატისტიკიდან ჩანს, რომ ორგანოთერაპიისთვის განკუთვნილი ჯირკვლებისა და სხვა ორგანოების ყველაზე დიდი მომწოდებელი საქართველოსთვის აშშ-ია - 77.9 ათასი დოლარი, მას მოსდევს გაერთიანებული სამეფო - 3.8 ათასი დოლარი, ჰონ-კონგი - 3.3 ათასი დოლარი, გერმანია - 2.1 ათასი დოლარი, ავსტრალია - 0.9 ათასი დოლარით. საიმპორტო ქვეყნებს შორისაა: კანადა, იტალია, ახალი ზელანდია, ისრაელი, ბელგია და შვეიცარია.

წყარო:https://bm.ge/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

სხვა

3 თვეში საქართველოში $25.7 ათასის ორგანოების იმპორტი განხორციელდა

სრულად

ბოსტანი სავაჭრო ცენტრის სახურავზე

სრულად

ბოლშევიკები საქართველოს დენიკინის წინააღმდეგ ბრძოლაში ჩართვისაკენ მოუწოდებენ

სრულად