,
ყოველწლიურად მსოფლიოში დაახლოებით 2.5 მილიარდი ტონა საკვები ფუჭდება. ამ რაოდენობის დაახლოებით ნახევარი კი ევროპასა და ამერიკის შეერთებულ შტატებში არსებულ ფერმებზე მოდის. ეს მნიშვნელოვან გავლენას ახდენს კლიმატზე.
Tesco-ს მიერ გამოქვეყნებული კვლევის თანახმად, გაფუჭებული საკვების რაოდენობა 2011 წელს გაეროს სურსათისა და აგრონომიის ორგანიზაციის მიერ ჩატარებული ანალიზის შემდეგ გაორმაგდა.
ფერმებში გაფუჭებული საკვების ზუსტი რაოდენობა 1.2 მილიარდ ტონას შეადგენს. 931 მილიონი ტონა კი მომხმარებლებისა და საცალო მოვაჭრეების მიერ ნადგურდება. საინტერესოა, რომ საკვების გაფუჭების ძირითად მიზეზს მისი ტრანსპორტირება, დასაწყობება და წარმოება წარმოადგენს.
კვლევის შედეგების თანახმად, წარმოებული საკვების 40% სრულიად ხელშეუხებელი რჩება. მათი სრული უმრავლესობა კი ევროკავშირისა და ჩრდილოეთ ამერიკის ტერიტორიებზე არსებულ ფერმებზე მოდის.
საინტერესოა ისიც, რომ,კვლევის თანახმად, გაფუჭებული საკვების მიერ გამოყოფილი სასათბურე გაზების რაოდენობა წინა შედეგთან შედარებით გაზრდილია და 10%-ს უდრის. ეს მაჩვენებელი კი დაახლოებით 2-ჯერ მეტია შეერთებულ შტატებსა და ევროპაში ავტომობილების მიერ გამოყოფილ გამონაბოლქვზე.
იმისდა მიუხედავად, რომ ევროპის, ჩრდილოეთ ამერიკისა და აზიის ყველაზე მდიდარ სახელმწიფოებში დედამიწის საერთო მოსახლეობის 37% ცხოვრობს, გაფუჭებული საკვების 58% სწორედ ამ სახელმწიფოებზე მოდის.
გარდა ამისა, კვლევა მსოფლიოს მთავრობებს მოუწოდებს, რომ საკვების ნარჩენების შემცირება მიზნად დაისახონ და მის შესასრულებლად ქმედითი ნაბიჯები გადადგან.
