რუსთავის გზატკეცილი 267ა-ს მცხოვრებლებმა კრწანისის რაიონის გამგეობას წყალარინების სისტემის მოწესრიგების თხოვნით მიმართეს.
ადგილობრივი მოსახლეობის თხოვნის გათვალისწინებით, სამუშაოები "ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში დაიწყო.
ძალიან მალე კორპუსის მცხოვრებლებს სრულად გამართული წყალარინების სისტემა ექნებათ, რადგან სამუშაოების ფარგლებში, ძველი მილები სრულად ჩანაცვლდება ახალი, თანამედროვე სტანდარტების მილებით.
სამუშაოებისთვის კრწანისის რაიონის გამგეობის ბიუჯეტიდან 58 000 ლარამდეა გათვალისწინებული.
მიმდინარე სამუშაოებს ადგილზე კრწანისის რაიონის გამგებელი ბექა მიქაუტაძე, რაიონის მაჟორიტარ დეპუტატ ლევან ჯაფარიძესთან ერთად გაეცნო.
მიმდინარე წელს, "ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში, წყალარინების სისტემის რეაბილიტაცია 12 მისამართზე განხორციელდა, რისთვისაც გამგეობის ბიუჯეტიდან 225 187 ლარი დაიხარჯა.
