კრწანისის რაიონში ინფრასტრუქტურული პროექტები აქტიურად მიმდინარეობს.
ფონიჭალაში, სურგულაძის 36-ის მიმდებარედ უკვე დასრულდა პროექტი, რომლის ფარგლებშიც მოეწყო გაბიონის კალათის კედელი, ავტობუსის გაჩერების თარგი, ტროტუარები, გამწვანების თარგები, სარწყავი სისტემა და დაირგო 22 ძირი ნერგი.
გამგეობის მიერ შესრულებული სამუშაოებისთვის ბიუჯეტიდან 300 000 ლარამდე გამოიყო.
გამგეობასთან ერთად, ადგილზე თბილისის საქალაქო სამსახურებმაც იმუშავა. მოეწყო განათება, ავტობუსის გაჩერება და დაიხაზა მიმდებარე ტერიტორია.
დასრულებულ სამუშაოებს ადგილზე თბილისის მერის მოადგილე კახაბერ გულედანი, კრწანისის რაიონის გამგებელ ბექა მიქაუტაძეთან და მაჟორიტარ
დეპუტატ ლევან ჯაფარიძესთან ერთად გაეცნო და ადგილობრივ მოსახლეობას შეხვდა.
