"ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში, კრწანისის რაიონში წყალარინების სამუშაოები აქტიურად მიმდინარეობს. პროექტის ფარგლებში, ძველი წყალარინების სისტემა თანამედროვე მილებით იცვლება.
ამ ეტაპზე, სამუშაოები რამდენიმე მისამართზე ერთდროულად ხორციელდება. სადგურის ქ. N57 და ფონიჭალა 3, კორპუსი N26-ის მიმდებარედ, მიმდინარე სამუშაოებს კრწანისის რაიონის გამგებელი ბექა მიქაუტაძე, რაიონის მაჟორიტარ დეპუტატ ლევან ჯაფარიძესთან ერთად, გაეცნო.
ამ მისამართებზე სამუშაოების შესასრულებლად გამგეობის ბიუჯეტიდან 131 000 ლარამდეა გათვალისწინებული.
