"ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში, კრწანისის რაიონში რამდენიმე მისამართზე ინფრასტრუქტურული სამუშაოები დასრულდა.
კრწანისის 16, კორპ.1-ის მოსახლეობას სახურავისა და წყალსაწრეტი მილების პრობლემა აწუხებდა. ამხანაგობის თავმჯდომარის განცხადების საფუძველზე, ადგილზე შეკეთდა სახურავი და წყალსაწრეტი მილები.
წყალსაწრეტი მილები შეიცვალა კიდევ ერთ მისამართზე. იერუსალიმის 2/5/36-ში ძველი დაზიანებული მილი კედელს ასველებდა, რის გამოც მოსახლეობამ გამგეობას მიმართა.
სამუშაოების შესასრულებლად გამგეობის ბიუჯეტიდან 15 000 ლარამდე გამოიყო.
დასრულებულ სამუშაოებს კრწანისის რაიონის გამგებლის მოადგილე შოთა ბერიძე გაეცნო.
