კრწანისის რაიონის გამგეობის ინფრასტრუქტურული პროექტების ფარგლებში, ე.წ. „სვანების დასახლებაში“, აფხაზეთის ქუჩაზე არსებული ღია სანიაღვრე არხის გადახურვა დაიწყო.
აღნიშნული არხის გადახურვა ადგილობრივი მოსახლეობისთვის უხვი ნალექის მოსვლისას ტერიტორიის დატბორვის საფრთხეს მოხსნის. სამუშაოების ფარგლებში მოეწყობა გადამკვეთი კიუეტები, ცხაურები და დაიგება ასფალტის საფარი.
სამუშაოები 800 კვ.მ. ფართობზე ხორციელდება, პროექტის სავარაუდო ღირებულება კი 200 000 ლარს შეადგენს.
მიმდინარე სამუშაოებს ადგილზე კრწანისის რაიონის გამგებელი ბექა მიქაუტაძე, რაიონის მაჟორიტარ დეპუტატ ლევან ჯაფარიძესთან ერთად გაეცნო.
