კრწანისის რაიონის გამგეობის ორგანიზებით, ლიტერატურული კონკურსი „კალმოსანი - 2025" იმართება. კონკურსში მონაწილეობის მისაღებად, IX – XII კლასების 50 მოსწავლე შეირჩა.
მონაწილეებს თემატიკის შერჩევაში თავისუფალი არჩევანი ჰქონდათ.
კონკურსის შემდეგ ეტაპზე ჟიური სამი საპრიზო ნაწარმოების ავტორებს გამოავლენს. ამასთანავე, ჯილდოები ოთხ სხვადასხვა ნომინაციაში გამარჯვებულებსაც გადაეცემათ.
პირველ, მეორე და მესამე საპრიზო ადგილებზე გასული მოსწავლეები სავაჭრო ცენტრის 500, 400 და 300 ლარიანი სასაჩუქრე ბარათებით დაჯილდოვდებიან.
დამატებით 4 ნომინაციაში გამარჯვებულებს კი სავაჭრო ცენტრის 150 ლარიანი სასაჩუქრე ბარათები გადაეცემათ.
ყველა კონკურსანტს სერტიფიკატი, ბრენდირებული კალამი და ჩანთა და წიგნაკი დაურიგდება.
ჟიურის მიერ გამოვლენილი 20-25 საუკეთესო ნაშრომი წიგნის სახით გამოიცემა და მონაწილეებს გადაეცემათ.
ღონისძიებას, კრწანისის რაიონის გამგებელი ბექა მიქაუტაძე დაესწრო, რომელმაც ახალგაზრდებს სიტყვით მიმართა და წარმატებები უსურვა.
