,
ესპანეთში ქართული დანაშაულებრივი ჯგუფის წევრები დააკავეს. დაჯგუფების წევრები მთელი ქვეყნის მასშტაბით მოქმედებდნენ და სახლებს ძარცვავდნენ.
ადგილობრივი მედიის ცნობით, ჯგუფის წევრები მოქმედებდნენ წინასწარ შეთანხმებული გეგმის მიხედვით. კერძოდ, ისინი უხილავ ძაფებსა და მარკერებს ათავსებდნენ სახლის კარებთან, რათა გაეგოთ, გაიღო თუ არა კარი. სახლებში, სადაც მეპატრონე არ იმყოფებოდა, ღამით იპარებოდნენ და საკეტებს ამტვრევდნენ.
პოლიციამ მოპარულ ნივთებს შორის ამოიღო: ძვირადღირებული საათები, ძვირფასეულობა, მობილური ტელეფონები და ნაღდი ფული. არსებული ცნობებით, ჯგუფის წევრები ფულად გზავნილებს საქართველოსა და სხვა ქვეყნებში რიცხავდნენ. ქალაქ ლუგოში საქართველოს სამი მოქალაქე დააკავეს, თუმცა საქმეზე გამოძიება გრძელდება.
„გამოძიებამ დაადგინა, რომ დაკავებულები არიან ქართული მაფიოზური ორგანიზაციების წვერები და მათ ე.წ. კანონიერი ქურდები ხელმძღვანელობენ. ისინი წინასწარ შემუშავებული გეგმით მოქმედებდნენ.
პოლიციამ გაარკვია, რომ მანქანას ქირაობდნენ და მთელი ქვეყნის მასშტაბით გადაადგილდებოდნენ. ძარცვავდნენ სახლებს, ფერემბსა და სხვა ობიექტებს. კრიმინალები რამდენიმე ჯგუფად იყვნენ დაყოფილი. ისინი დავალებებს ქართველი პირებისგანაც იღებდნენ, სავარაუდოდ ისინი უმზადებდნენ მათ ყალბ დოკუმენტებს და ასევე უზრუნველყოფდნენ მათთვის საცხოვრებელ ადგილებს" აცხადებენ ესპანეთის პოლიციაში.
წყარო:https://mtavari.tv/
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
