,
bm.ge
ამ დროისთვის, „კრედიტინფო საქართველოს“ მონაცემთა ბაზაში ვადაგადაცილებული სესხების მაჩვენებელი 2%-ია. როგორც "კრედიტინფოს" გენერალურმა დირექტორმა ალექსანდრე გომიაშვილმა „საქმიანი დილის“ ეთერში განაცხადა, დეფოლტის მაჩვენებლის რეალური სურათი გაზაფხულზე გამოჩნდება, როცა ბანკების მიერ გადავადებული სესხების ვადა ამოიწურება.
„2020 წელი საკმაოდ რთული იყო; წლის დასაწყისიდან დაკრედიტება შემცირდა, განსაკუთრებით მეორე კვარტალში; მესამე კვარტლიდან აჩქარდა, თითქმის დაუბრუნდა წინა წლის ნიშნულს, თუმცა მეოთხე კვარტალში ისევ დაიწყო კლება. აღსანიშნავია ის ფაქტორიც, რომ ეროვნულმა ბანკმა პანდემიიდან გამომდინარე, რეგულაციები შეარბილა. ამის გათვალისწინებით, გამოდის, რომ შემსუბუქების პირობებშიც კი, მაჩვენებლები მცირედით ჩამორჩებოდა გასული წლის ანალოგიურ მონაცემებს, ამიტომ სახარბიელოდ საქმე ნამდვილად არ გვაქვს.
რაც შეეხება სესხების ვადაგადაცილებებს, გასათვალისწინებელია რამდენიმე ფაქტორი - ერთი ის, რომ 2019 წლიდან პასუხისმგებლიანი დაკრედიტების ჩარჩოს შემოღებამ შეამცირა დაკრედიტება, განსაკუთრებით მცირე სესხების გაცემა; ასევე, შარშან ეროვნული ბანკის შუამდგომლობით და ბანკების ძალისხმევით მოხდა დიდი რაოდენობით სესხების გადავადება, რამაც დადებითობის მაჩვენებელზე გავლენა იქონია. ამდენად, ნამდვილი სურათი გამოჩნდება რესტრუქტურიზაციის ვადის გასვლის და ეკონომიკის გახსნის შემდეგ, სავარაუდოდ, 2021 წლის გაზაფხულისთვის“, - განაცხადა გომიაშვილმა.
ამ დროისთვის „კრედიტინფო საქართველოს“ მონაცემთა ბაზაში 4 მლნ 300 ათასამდე აქტიური სესხია, რომელიც 1.8 მლნ ფიზიკურ პირს და 17ათასს იურიდიულ პირზე ნაწილდება.
წყარო:https://bm.ge/ka
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
