ჯორჯიის შტატის უნივერსიტეტის მეცნიერებმა შექმნეს ანტივირუსული პრეპარატი, რომელიც ამცირებს ვირუსის შემცველობას კოვიდიან პაციენტებში და რომელსაც შეუძლია შეაჩეროს კორონავირუსის გადაცემა 24 საათის განმავლობაში. აღნიშნული ექსპერიმენტული პრეპარატის წარმოება დაიწყო ფარმაცევტულმა კომპანიამ  "Ridgeback Biotherapeutics LP и Merck". ამ პრეპარატმა მიიღო სახელწოდება  "Molnupiravir". ამის შესახებ ლაპარაკია კვლევაში, რომელიც გამოქვეყნდა ჟურნალში „ Nature Microbiology".

სხვა   პრეპარატებისაგან განსხვავებით, მოლნუპირავირი  თავს ესხმის ვირუსის იმ ნაწილს, რომელიც პასუხისმგებელია გამრავლებაზე. მწარმოებლები ამბობენ, რომ ტესტირებით  ვირუსი არ გამოვლენია არც ერთ მოხალისეს, რომელიც პრეპარატს იღებდა დღეში ორჯერ, ხუთი დღის მანძილზე.

იმ სუბიექტებს, რომლებიც  იღებდნენ მედიკამენტის დიდ დოზას, სამი დღის შემდეგ ასევე აღენიშნებოდათ ინფიცირების დაბალი დონე.

ამჟამად პრეპარატი გადის კლინიკური გამოცდის პირველ და მეორე ფაზებს. ცდები ტარდება ქრცვინებზე(კვერნისებრთა ოჯახის მტაცებელი ძუძუმწოვარი)

გამოკვლევის შედეგებმა აჩვენა, რომ პრეპარატი ბლოკავს კორონავირუსის სერიოზულ სიმპტომებს და  აფერხებს ინფექციის გადაცემას. თავდაპირველად პრეპარატი გამიზნული იყო როგორც ანტიგრიპოზული საშუალება, მაგრამ აღმოჩნდა, რომ მას  გააჩნია ანტივირუსული მოქმედების ფართო სპექტრი. პრეპარატი მიიღება შინაგანად, ამიტომაც ვირუსული ინფექციის წინააღმდეგ ბრძოლა საწყის ეტაპზევე იძლევა რამდენიმე უპირატესობას. იგი არ აძლევს კოვიდ-19-ს მძიმე ავადმყოფობად პროგრესირების გასაქანს, ამცირებს ინფექციის ხანგრძლივობასა და  მის გავრცელებას.

მეცნიერებმა გამოიკვლიეს მოლნუპირავირის ზემოქმედების ეფექტი SARS-CoV-2-თ დაინფიცირებული ქრცვინების მაგალითზე,  რომლებიც  ვირუსის ადვილად  გადამტანებად ითვლებიან, თუმცა  უმეტესწილად  მათში დაავადება მძიმედ არ მიმდინარეობს. დავირუსებული ცხოველები ჯანმრთელებთან ერთად მოათავსეს  გალიაში და ამის შემდეგ დაიწყეს დაავადებულების მკურნალობა. შედეგად არც ერთი არაინფიცირებული ცხოველი არ დაავადებულა.

ქრცვინებზე ჩატარებულმა კვლევებმა აჩვენა, რომ რომ დაავადებულების  ორგანიზმში ვირუსული ნაწილაკების რაოდენობა შემცირდა, ხოლო ამ ნაწილაკების   ჯანმრთელი ცხოველების უჯრედებში გადატანის შემდეგაც  არვინ არ დაინფიცირებულა.

პრეპარატის დოზირება ასეთია:  კოვიდ-19 -ით ინფიცირებული პაციენტები მას იღებენ  ხუთი დღის განმავლობაში, 12 საათში ერთხელ  სამ სხვადასხვა დოზად.

თუ დადასტურდება პრეპარატის ეფექტურობა, კოვიდ-19 დაავადებული პაციენტები, მოლნუპირავირის მიღების შემდეგ,  24 საათის განმავლობაში ჩაითვლებიან არაგადამდებებად.

 წყარო: https://officelife.media/