თბილისის ინფექციური საავადმყოფოს დირექტორმა თენგიზ ცერცვაძემ დაადასტურა ინფორმაცია, რომ კორონავირუსით ინფიცირებული მედიკოსი  ბათუმის ინფექციური საავადმყოფოს ექთანია. როგორც თენგიზ ცერცვაძე აცხადებს, მედიკოსის ჯანმრთელობის მდგომარეობა ნორმალურია.

არსებული ინფორმაციით, მედიკოსს ინფიცირებულ პაციენტთან ჰქონდა კონტაქტი. მედიკოსის ოჯახის წევრები თვითიზოლაციაში იმყოფებიან.

შეგახსენებთ, რომ აჭარაში ახალი კორნავირუსით სულ 8 პირია ინფიცირებული. რეგიონში 12 საკარანტინო სივრცეა გახსნილი, სადაც 2000-მდე პირია მოთავსებული. 300-მდე მოქალაქემ საკარანტინო სივრცე უკვე დატოვა.

საქართველოში ახალი კორონავირუსის დადასტურებული შემთხვევების რაოდენობა 103-ს შეადგენს. მათგან 20 უკვე გამოჯანმრთელდა.