,
23 თებერვალს სამშენებლო კომპანია - ანაგს, არქიტექტურულ კომპანია - არტსტუდიო პროექტსა და სამშენებლო პროექტების მართვის კომპანია - სიემსის შორის ურთიერთთანამშრომლობის მემორანდუმი გაფორმდა. ერთობლივი შეთანხმებით, კომპანიებმა დააანონსეს სამომავლო პროექტი, რომლის მართვას, პროექტირებას და მშენებლობას ერთობლივად, BIM-ის გამოყენებით გეგმავენ.
BIM ანუ Building Information Modeling საშუალებას იძლევა სამშენებლო პროექტის განხორციელების ყველა ეტაპზე მშენებლობაში ჩართულმა მხარეებმა იხილონ პროექტი 3D მოდელში.
„BIM-ი პირველ ნაბიჯებს დგამს საქართველოში, ხოლო მისი დანერგვა და განვითარება ერთ-ერთი მნიშვნელოვანი ფაქტორი იქნება, რომ ჩვენი ქვეყნის სამშენებლო სექტორი განვითარდეს საერთაშორისო სტანდარტებისა და მოთხოვნების შესაბამისად “- აცხადებს ირაკლი ბერიძე, სიემსის აღმასრულებელი დირექტორი.
BIM-ის დახმარებით პროექტში შეტანილი ყველა ცვლილება თუ გაწეული სამუშაოები ისახება რეალურ რეჟიმში და ხელმისაწვდომია არქიტექტორებისთვის, ინჟინრებისთვის, კონსტრუქტორებისთვის, პროექტის მენეჯერებისთვის და მშენებლებისთვის, რაც უზრუნველყოფს სამშენებლო პროექტის ეფექტურად წარმართვას.
,,მსოფლიო პროექტირების სფეროში BIM ტექნოლოგია საუკეთესო პრაქტიკის ერთერთი განუყოფელი კომპონენტია, რომელსაც ჩვენი არქიტექტურული სტუდია, უკვე რამდენიმე წელია აქტიურად იყენებს.“ - აცხადებს არტსტუდიო პროექტის აღმასრულებელი დირექტორი - არქიტექტორი ოთარ სულაბერიძე - „პროექტირების კუთხით BIM-ი საგრძნობლად ამარტივებს და ინტერაქტიულს ხდის პროცესს. სხვადასხვა სპეციალისტების კოლაბორაცია და ყველა მხარის ჩართულობა კი, რაც BIM-ის მნიშვნელოვანი ნაწილია, დადებითად აისახება სამუშაოს შესრულების დროსა და ფინანსურ ნაწილზე.”
BIM-ის გამოყენება უზრუნველყოფს სრულყოფილი ინფორმაციის არსებობას, რომელიც აუცილებელია შენობის ექსპლუატაციისა და ოპერირების ეტაპზე.
"BIM-ი მნიშვნელოვნად ამარტივებს არა მხოლოდ სამშენებლო პროცესს, არამედ საოპერაციო საქმიანობასაც. ჩვენი თანამშრომლობით, გვინდა BIM-ის საჭიროება დავანახოთ არამხოლოდ უშუალოდ მშენებლობაში ჩართულ მხარეებს, არამედ დამკვეთებსაც." - აცხადებს სამშენებლო კომპანია ანაგის დირექტორი, ირაკლი გოგოლიშვილი.
სამშენებლო სფეროს ლიდერი კომპანიები ანაგი, არტსტუდიო პროექტი და სიემსი უკვე მეორედ აერთიანებენ ძალებს BIM-ის პოპულარიზაციის მიზნით. საქართველოს სამშენებლო სექტორში სტანდარტებისა და ხარისხის ამაღლების მიზნით გასული წლის შემოდგომაზე კომპანიების პარტნიორობით საქართველოში პირველი საერთაშორისო BIM კონფერენცია ჩატარდა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
