USD 2.6978
EUR 2.9112
RUB 2.9177
თბილისი
კომპანია „პროგრამა -ისანი“ საკუთრების ხელყოფის ფაქტზე განცხადებას ავრცელებს
თარიღი:  588

თბილისის ცენტრალურ უბანში მდებარე მიწის ნაკვეთის მესაკუთრე მისი უფლებების დარღვევის ფაქტებს ასაჯაროვებს.

კომპანია „პროგრამა- ისანის“ ადვოკატები განცხადებას ავრცელებენ და დარღვეული უფლებების აღდგენას ითხოვენ.

„ 2005 წელს ჩვენს წინააღმდეგ აქტიურად დაიწყო საკუთრების უფლების ხელყოფა. საქმე ეხება ტერიტორიას, რომელიც 1998 წლიდან შპს " პროგრამა - ისანის" საკუთრებაშია და ქეთევან წამებულის მოედნის, ეკლესია "ეჩმიაძინსა" და წმინდა მარინეს სახელობის ქართულ მართლმადიდებლურ ტაძარს შორის მდებარეობს.

ჩვენთან შეთანხმების გარეშე კომპანია „სითი-პარკს“, სარგებლობაში გადაეცა ჩვენი კუთვნილი მიწის ნაკვეთის ნაწილი - 600 კვადრატული მეტრის ფართობის ტერიტორია, რაც დადასტურებულია ლევან სამხარაულის სახელობის სასამართლო ექსპერტიზის ეროვნული ბიუროს დასკვნით.

2015 წელს, დარღვეული უფლების აღდგენის მიზნით მივმართეთ საქალაქო სასამართლოს ადმინისტრაციული სამართლის კოლეგიას. თბილისის მერიამ საპასუხო სარჩელით მიმართა სასამართლოს და მოითხოვა ჩვენს საკუთრებაში არსებულ უძრავ ქონებაზე საკუთრების უფლების გაუქმება. ქალაქ თბილისის მერიის მოთხოვნა სასამართლოს სამივე ინსტანციის სასამართლომ არ გაითვალისწინა და საკუთრების უფლების გაუქმების მოთხოვნა არ დააკმაყოფილა.

სასამართლო დავა ისევ გრძელდება 2015 წელს შეტანილ სარჩელზე და უკვე წლებია ველოდებით აღნიშნულ საქმეზე პროცესის ჩანიშვნას. ჩვენი საკუთრების უფლების დარღვევა მხოლოდ „ სითი პარკი“-სთვის ჩვენი კუთვნილი მიწის ნაკვეთის გადაცემით არ დასრულებულა. დარჩენილ ფართობზე, ასევე მესაკუთრესთან შეთანხმების გარეშე, 2011 წელს, თბილისის მაშინდელმა მთავრობამ ტერიოტირიის მოწყობა, გადაკეთება და მისთვის ერევნის სკვერის სახელის მინიჭიბა გადაწყვიტა, რითაც დაირღვა საქარელოს კონსტიტუციით, საერთაშორისო კონვენციებით და შეთანხმებებით საყოველთაოდ აღიარებული საკუთრების უფლება.

2023 წელს საკრებულოსგან მიღებული პასუხით დადგინდა, რომ 2011 წლის 27 მაისის დადგენილებით მოხდა ჩვენს საკუთრებაში არსებული ტერიტორიისათვის ერევნის სკვერის დარქმევა, თუმცა ირკვევა, რომ საკრებულოს აღნიშნული გადაწყვეტილება (2011 წლის 27 მაისის N6-27) მატერიალური სახით დაცული არ არის.

ჩვენი უფლებების დარღვევას ადასტურებს ლევან სამხარაულის სახელობის სასამართლო ექსპერტიზის ეროვნული ბიუროს დასკვნა. მიმდინარე წლის 31 იანვარს გამოქვეყნებულ დასკვნაში მითითებულია, რომ ჩვენს კუთვნილ ტერიტორიაზე აშენებულია აგურის კედლები, მოწყობილია სკვერი და გამწვანება, რომლის ფართობი 1835 კვადრატულ მეტრს შეადგენს.

საკუთრების უფლება საქართველოს კონსტიტუციით, ადამიანის უფლებათა და ძირითად თავისუფლებათა დაცვის შესახებ ევროპის კონვენციით საყოველთაოდ აღიარებული და დაცული უფლებაა. საკუთრების ხელყოფა, შეზღუდვა და კერძო საკუთრებაში შეჭრა დაუშვებელია.

ჩვენ, დღემდე შეზღუდული გვაქვს ჩვენი კერძო საკუთრებით სარგებლობის უფლება. მივმართავთ თბილისის საკრებულოს თავმჯდომარეს გიორგი ტყემალაძეს, თბილისის საკრებულოს სიმბოლიკისა და სახელდების კომისიას და ვითხოვთ განმარტებას, რის საფუძველზე მიენიჭა ჩვენს კუთვნილ მიწის ნაკვეთს ერევნის სკვერის სახელწოდება. მოვითხოვთ 2011 წელს საკრებულოს მიერ მიღებული შესაბამისი გადაწყვეტილების გაუქმებას და უფლებას ვიტოვებთ მივმართოთ სასამართლოს ჩვენი დარღვეული უფლებების აღსადგენად.“ - ნათქვამია კომპანია „პროგრამა-ისანის“ მიერ გავრცელებულ განცხადებაში.

 

 

 

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.