,
საქართველოში მოქმედმა 17-მა კომერციულმა ბანკმა სებ-ს 2024 წლის პირველი 4 თვის ფინანსური შედეგები უკვე წარუდგინა. დოკუმენტაციის თანახმად, საბანკო სექტორის მთლიანი საკრედიტო პორტფელი 55.5 მილიარდ ლარს აღწევს. ამ თანხის 76.5% ორი უმსხვილესი ბანკის მიერ გაცემულ კრედიტებს წარმოადგენს, ხოლო სამი უმსხვილესი ბანკის კრედიტების მოცულობა სექტორის 82%-ია.
ბანკების ფინანსური ინფორმაციის თანახმად, მთლიანი სესხებიდან 18.7 მილიარდი ლარი კორპორაციული სესხებია, 9.1 მილიარდი ლარი მცირე და საშუალო ბიზნესზე გაცემული კრედიტებია, 7.5 მილიარდი ლარი მიკრობიზნეს სესხებია, ხოლო 20.2 მილიარდი ლარი კი ფიზიკურ პირებზე გაცემული კრედიტებია.
ქართული ბანკების მიერ გაცემული კრედიტების მოცულობა 2024 წლის აპრილის მდგომარეობით:
კომერციული ბანკი |
საკრედიტო პორტფელი ლარებში |
| თი–ბი–სი ბანკი | 21,821,087,000 |
| საქართველოს ბანკი | 20,738,857,000 |
| ლიბერთი ბანკი | 3,193,676,000 |
| ბაზის ბანკი | 2,515,565,000 |
| კრედო ბანკი | 2,139,730,000 |
| ტერა ბანკი | 1,335,429,000 |
| პროკრედიტ ბანკი | 1,243,618,000 |
| ქართუ ბანკი | 870,052,000 |
| ხალიკ ბანკი | 696,128,000 |
| იშ ბანკ | 316,404,000 |
| პაშაბანკი | 313,756,000 |
| ვი–თი–ბი ბანკი | 205,670,000 |
| ზირაათ ბანკი | 149,604,000 |
| სილქ ბანკი | 64,415,000 |
ეკონომიკის სექტორების მიხედვით სასესხო დაფინანსება წაიკითხეთ ბმულზე.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
