USD
EUR
RUB
თბილისი
კოკი ლორთქიფანიძე- ამერიკაში მცხოვრები კომპოზიტორი
თარიღი : 11.22.2022 14:59  71
4-5 წლის ვიყავი, როდესაც რამდენიმე მცირე ზომის საფორტეპიანო ნაწარმოები დავწერე. ეს, ოჯახში დიდი ამბავი იყო, როგორც მახსოვს, ჩემმა ბიძაშვილმა ფირზეც კი ჩაწერა. ამან განაპირობა ის, რომ მამაჩემმა, გურამ (აგული) ლორთქიფანიძემ, ადრეულ ასაკში კონსერვატორიასთან არსებულ მუსიკალურ სკოლაში მიმიყვანა.
 
აქედან დაიწყო მუსიკასთან ჩემი კავშირი . თბილისის სამოქალაქო ომის დაწყების დღეს გამოცდა მქონდა სოლფეჯიოში. მაშინ დამთავრდა ჩემი მუსიკალური განათლების პირველი ეტაპი. ფიზიკურად შეუძლებელი იყო მუსიკალურ სასწავლებელში მისვლა, ომი იყო გაჩაღებული… გავიდა წლები და დადგა უმაღლესში ჩაბარების დრო. მთელი წელი ისტორიულზე ჩასაბარებლად ვემზადებოდი. გამოცდების წინ კი, უეცრად, მშობლებს განვუცხადე, რომ არ შემეძლო მუსიკის გარეშე. სახლში დამთანხმდნენ და დავიწყე კონსერვატორიისთვის მზადება. 1996 წელს გავხდი კონსერვატორიის სტუდენტი კომპოზიციის განხრით. 2000 წელს ბაკალავრიატი დავასრულე ( ბიძინა კვერნაძის კლასი), ხოლო 2002 წელს — მაგისტრატურა, კომპოზიციასა და თანამედროვე მუსიკის თეორიაში( ნოდარ მამისაშვილთან და ლია დოლიძესთან).
 
ამავე წლებში, კახა ბაკურაძესთან ერთად, ვმონაწილეობდი მოძრაობის თეატრის დაარსებაში. 2002 წელს ამსტერდამში, ყოველწლიურ თანამედროვე მუსიკის ფესტივალზე, კავკასიის რეგიონიდან შესასრულებლად აირჩიეს ჩემი ელექტრონულის ნაწარმოები “Density 0.0”.
2005-2006 წლებში აქტიური თანამშრომლობა დავიწყე ჩემს ბიძაშვილთან (რომელმაც ბავშვობაში ფირზე ჩამწერა), სინეტიკის თეატრის დირექტორ— პაატა ციქურიშვილთან, ამერიკაში. საქართველოდან ინტერნეტით ვუგზავნიდი ჩემს მუსიკას და ამ მუსიკით აფორმებდნენ სინეტიკის სპექტაკლებს. 2006 წლის სეზონზე ერთად ვიმუშავეთ (თბილისი - ვაშინგტონი). თეატრმა ჯილდოებიც კი აიღო მუსიკალურ გაფორმებაში. მაშინ თეატრის ბორდმა გადაწყვიტა ჩემი მოწვევა და 2007 წლის ივლისიდან სინეტიკის რეზიდენტი კომპოზიტორი გახლავართ.
სინეტიკის თეატრის საშუალებით გვაქვს შესაძლებლობა, რომ გავავრცელოთ ინფორმაცია ვაშინგტონში ჩვენი სამშობლოს შესახებ. ვფიქრობ, ეს მნიშვნელოვანია ჩვენი ქვეყნის პოპულარიზაციისთვის შტატების დედაქალაქში.
 
ამჟამად რამდენიმე პროექტზე ვმუშაობ.
 
პირველი პროექტი “საკუთარი თავის პოვნაა” ელექტრონულ მუსიკაში ( სახლის სტუდიაში). ასევე, 9 დეკემბერს, ნიუ იორკში გაიმართება ამერიკაში მოღვაწე ქართველი კომპოზიტორების კონცერტი, სადაც ჩემი ნაწარმოებებიც შესრულდება. 2023 წლის 1 მარტს გვექნება მსოფლიო პრემიერა “ომის სამყარო” ჰ.ჯ. ვაილის ნოველის მიხედვით.
 
დღეს ტექნოლოგიის ბუმი დიდ ზეგავლენას ახდენს მუსიკის განვითარებაზე და, ამავე დროს, დიდ გამოწვევებსაც წარმოშობს. კლასიკური მუსიკა უკანა პლანზე გადადის და წინა პლანს ელექტრონული მუსიკა იკავებს. ეს ისევ და ისევ ტექნოლოგიის განვითარების “ბრალია”. ხელოვნება ყოველთვის ანარეკლია ცივილიზაციის.
 
ქართველებს, მსოფლიოში, ერთ-ერთი უძველესი და გამორჩეულად ორიგინალური მუსიკის ისტორია გვაქვს, რასაც ქვეყნის გეო-პოლიტიკური მდებარეობაც განაპირობებს. ქართული ფოლკლორი ერთგვარი ნაზავია ევროპული და შუა-აზიური მუსიკისა. ამას ემატება ქართული ორიგინალობა, რომელიც არსად სხვაგან არ მოიპოვება. მარტო “კრიმანჭულის” ხსენება რად ღირს, რომ არაფერი ვთქვათ ქართულ საგალობლებზე, რომლებიც ოდითგანვე მრავალხმიანი იყო.
 
მუსიკა და მუსიკოსის პროფესია ემოციებთან დაკავშირებული ხელოვნებაა. მას ვერ ხედავ, ზუსტ შინაარს ვერ იგებ, თუ ტექსტი არ გაქვს, მხოლოდ გესმის და გრძნობ.
 
კომპოზიტორს ბევრი რამ მოეთხოვება, განსაკუთრებით ტექნოლოგიური ევოლუციის თუ რევოლუციის ეპოქაში. დედამიწის სხვადასხვა წერტილშიახალი საშუალებები ყოველდღიურად იქმნება . შემოქმედი ადამიანის მთელი ცხოვრება საკუთარი თავის ძიებაა… ბევრი მუშაობაა საჭირო, რომ საკუთარი თავი და ხელწერა იპოვო. რაც უფრო დიდია გამოცდილება, მით უფრო ახლოს ხარ პროფესიონალიზმთან. ამიტომ, არ ჩამორჩეთ დღევანდელობას!
სხვა
"თაგვების სამოთხე" - ექსპერიმენტი "Universe 25"

ეს არის ერთ-ერთი ყველაზე საშინელი ექსპერიმენტი მეცნიერების ისტორიაში, თაგვების მონაწილეობით.

ეს იყო მეცნიერთა მიერ, ადამიანთა საზოგადოების ქცევის ახსნა, თაგვების მეშვეობით. იდეის ავტორი არის ამერიკელი მეცნიერი, ჯონ კალჰუნი, რომელმაც შექმნა "თაგვების სამოთხე", სადაც ათასობით თაგვი ცხოვრობდა.

ჯონმა შექმნა სპეციალური სივრცე, სადაც თაგვებს ჰქონდათ უამრავი საკვები და წყალი, ასევე დიდი სივცრე საცხოვრებლად.

თავდაპირველად, მან 4 წყვილი თაგვით დაიწყო, რომლებმაც გამრავლება დაიწყეს, მათი პოლულაცია მნიშვნელოვნად გაიზარდა, თუნცა 315 დღის შემდექ, მათი რეპროფუქცია შემცირდა.

როდესაც თაგვთა რაოდენობამ 600 ინდივიდს მიაღწია, მათ შორის ჩამოყალიბდა იერარქია ე.წ . "უბედურთა" კლასი. დიდმა ინდივიდებმა დაიწყეს მცირე ჯგუფებზე შეტევა, რის გამოც ბევრი მამრი ფსიქოლოგიურად განადგურდა, შედეგად მდედრებმა დაიწყეს თავის დაცვა, გახდნენ აგრესიულები შთამომავლობის მიმართ.

დროთა განმავლოვაში, მდედრებმა დაიწყეს უფრო აგრესიული ქცევის გამოვლინება. დაფიქსირდა შობადობის ნაკლები შედეგიანობა და სიკვდილოანობის ზრდა ახალგაზრდებში. შედეგად ჩამოყალიბდა ახალი კლასი, ე.წ. "ლამაზი თაგვები", მათ აღარ აინტერესებდან მდედრებთან შეწყვილება, მხოლოდ ჭამა და ძილი ადარდებთათ.

ერთი პერიოდი, კოლონიის უმეტესობას, "ლამაზი მამრები" და "იზოლირებული მდედრები" წარმოადგენდნენ. პატარების სიკვდილიანობამ 100% მიაღწია და რეპროდუქციამ ნულს მიაღწია. გადაშენების პირას მყოფ მამრებს შორის შეინიშნებოდა ჰომოსექსუალობის და კანიბალიზმის შემთხვევები მიუხედავად საკვების სიუხვისა. კოლონიის დაყებიდან 2 წლის შემდეგ, კოლონიას უკანასკნელი ახალშობილი ჰყავდა.

1973 წელს, უკანასკნელი თაგვი მოკვდა "universe 25" -ის ექსპერიმენტიდან. ჯონ კალჰუნმა, იგივე ექსპერიმენდი , 25 ჯერ გაიმეორა და ყველა ჯერზე ერთი და იგივე შედეგი მიიღო.
კალჰუნის სამეცნიერო ნაშრომი გამოყენებულია, როგორც სოციალური კოლაფსის მოდელი და ემსახურება ურბანული სოციოლოგიის შესწავლას.

 

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.