,
ჩრდილოეთ კორეის ლიდერის, კიმ ჩენ ინის და, კიმ იო ჩენი აშშ-ის ახალ ადმინისტრაციას აფრთხილებს, პირველი ნაბიჯის გადადგმა პრობლემების შექმნით არ დაიწყოს.
„რჩევა შეერთებული შტატების ახალ ადმინისტრაციას, რომელიც ოკეანის გადაღმიდან ცდილობს, ჩვენს მიწაზე დენთის სუნი გაავრცელოს. თუ მომავალი ოთხი წლის განმავლობაში მშვიდად ძილი სურს, უმჯობესია, თავი შეიკავოს იმისგან, რომ მისი პირველ ნაბიჯი მყრალი სუნის გამოწვევა იყოს,“- განაცხადა კიმ იო ჩენმა.
აღსანიშნავია, რომ კიმ იო ჩენმა ეს განცხადება აშშ-ის სახელმწიფო მდივან ანტონი ბლინკენისა და თავდაცვის მინისტრ ლოიდ ოსტინის სეულში დაგეგმილ ვიზიტამდე ერთი დღით ადრე გააკეთა.
მანამდე აშშ-ის პრეზიდენტის ადმინისტრაციაში განაცხადეს, რომ ჩრდილოეთ კორეის მთავრობასთან დაკავშირებას თებერვლის შემდეგ ცდილობენ, თუმცა პასუხი დღემდე არ მიუღიათ. ამის შესახებ BBC წერს.
გამოცემის ინფორმაციით, ვაშინგტონი ფხენიანთან დაკავშირებას სხვადასხვა გზით ცდილობს, რათა დაძაბულობის ესკალაცია აიცილოს თავიდან. ერთ-ერთი ასეთი გზა „ნიუ-იორკის არხია“ - გაეროში ჩრდილოეთ კორეის წარმომადგენლობის მეშვეობით.
მხარეებს შორის „მნიშვნელოვანი კონტაქტი“ 12 თვის განმავლობაში არ დამყარებულა. აშშ-სა და ჩრდილოეთ კორეას შორის მთავარ პრობლემას ფხენიანის ბირთვული ამბიციები წარმოადგენს. ჯო ბაიდენმა უკვე განაცხადა, რომ ჩრდილოეთ კორეას მიმართ პოლიტიკას გადახედავს. სავარაუდოდ, ბაიდენის ხედვა ამ საკითხთან მიმართებაში აპრილში გახდება ცნობილი
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
