,
უკრაინის პოლიციამ დედაქალაქ კიევში აქციის მონაწილეების მიმართ, რომლებიც „ლოკდაუნს“ აპროტესტებდნენ, ცრემლსადენი გაზი გამოიყენა. ინფორმაციას theguardian -ი ავრცელებს.
კიევის მთავარ მოედანზე რამდენიმე ათასი მომიტინგე, მათ შორის მცირე ბიზნესის მფლობელები, შეიკრიბნენ, რომლებიც მკაცრი ზომების მიღებას აპროტესტებდნენ.
კიევის პოლიციის განცხადებაში ნათქვამია, რომ 40 -მა სამართალდამცველმა თვალის დამწვრობა მიიღო, ხოლო ერთმა პოლიციელმა თავის არეში მიიღო დაზიანება. აქციის მონაწილეთა შორის დაშავებულების შესახებ ოფიციალური მონაცემები არ ვრცელდება. მედიის ინფორმაციით, დაშავეულია აქციის ერთი მონაწილე.
პანდემიის დაწყების დღიდან უკრაინაში კორონავირუსის 909 000-ზე მეტი შემთხვევა დაფიქსირდა, 15 000 ათასი ადამიანი გარდაიცვალა. ქვეყანაში 8 იანვრიდან მკაცრი კარანტინი გამოცხადდა.
