,
თბილისის მერის კახა კალაძის განცხადებით, 19 სექტემბრიდან მელიქიშვილის გამზირზე ტრანსპორტის მოძრაობა განახლდება.
"ამ წუთში ქვედა ფენებში გზის დაგების სამუშაოები მიმდინარეობს და ხვალ დილიდან ამ კონკრეტულ სივრცეზე ავტომობილების გადაადგილება შესაძლებელი იქნება. თანაც ორმხრივი მოძრაობა აღდგება, თუმცა ეს არ ნიშნავს რომ სამუშაოები დასრულებულია. ეს მხოლოდ ქვედა ფენებში მოქცეული ინფრასტრუქტურაა და ამის შემდეგ კიდევ ორი ფენა უნდა დაიგოს. შემდეგი იქნება საკანალიზაციო ჭის თავების წამოწევა და ასფალტის ორი ფენის დაგება.
პარალერულად ტროტუალრების მოწესრიგება და გამწვანებითი სამუშაოები მიმდინარეობს. მთლიანად შეიცვლება განათების ბოძები, ხოლო ელექტროგადამცემი ხაზები მიწის ქვემოთ იქნება ჩატანილი. კოსტავაზე ჩამსვლელი [ქუჩა] დროებით გადაიკეტება, რადგან იქაც იგივე სამუშაოების ჩატარება გვინდა. გვსურს მიწისქვეშა კომუნიკაციები მთლიანად შევცვალოთ. როგორც გითხარით ხვალიდან მელიქიშვილზე გადაადგილება ორმხირვად იქნება შესაძლებელი",- განაცხადა კალაძემ.
მელიქიშვილის ქუჩის რეაბილიტაცია თბილისის მერიამ ივნისში დაიწყო. პროექტის ღირებულება 6.4 მლნ ლარია და სამუშაოებისთვის გამოცხადებულ ტენდერში კომპანია B.M.C-მ გაიმარჯვა.
ირანის საგარეო საქმეთა სამინისტრო აშშ-ის ძალების მიერ ირანული სატვირთო გემის, Touska-ს დაკავებას გმობს და აშშ-ს გემის, მისი მეზღვაურების, ეკიპაჟის წევრებისა და მათი ოჯახების დაუყოვნებლივ გათავისუფლებისკენ მოუწოდებს, - ინფორმაციას CNN-ი ავრცელებს.
„ეჭვგარეშეა, რომ ირანის ისლამური რესპუბლიკა გამოიყენებს ყველა შესაძლებლობას ირანის ეროვნული ინტერესებისა და უსაფრთხოების დასაცავად და მოქალაქეების უფლებებისა და ღირსების დასაცავად“, - ნათქვამია უწყების განცხადებაში.
„ასევე ნათელია, რომ რეგიონში შემდგომი ესკალაციის სრული პასუხისმგებლობა შეერთებულ შტატებს ეკისრება“.
ირანის საგარეო საქმეთა სამინისტროს განცხადებით, რეგიონში შემდგომ ესკალაციაზე სრული პასუხისმგებლობა შეერთებულ შტატებს ეკისრება.
ცნობისთვის, აშშ-ის პრეზიდენტმა დონალდ ტრამპმა განაცხადა, რომ კვირას აშშ-ის საზღვაო ძალებმა ცეცხლი გაუხსნეს და დააკავეს ირანის დროშის ქვეშ მცურავი გემი მას შემდეგ, რაც მან ომანის ყურეში აშშ-ის საზღვაო ბლოკადის დარღვევა სცადა.
