USD 2.7000
EUR 3.1450
RUB 3.3636
Tbilisi
ცხედრისგან ადამიანის COVID-19-ით ინფიცირების პირველი შემთხვევა დაფიქსირდა
Date:  990

  ტაილანდში სასამართლო მედიცინის ექსპერტი გარდაიცვალა, რომელსაც ახალი ტიპის კორონავირუსი გარდაცვლილი ადამიანისგან გადაედო. ეს ცხედრისგან ინფიცირების პირველი შემთხვევაა. ამის შესახებ Daily Mail წერს. კვლევაში, რომელიც სპეციალიზირებულ ჟურნალში გამოქვეყნდა, ნათქვამია, რომ სასამართლო მედიცინის ექსპერტი ტაილანდში COVID-19-ის გავრცელების ადრეულ ეტაპზე დაინფიცირდა. ექსპერტები აცხადებენ, რომ მას ცოცხალ ინფიცირებულებთან შეხება არ ჰქონია. ბანგკოკში კი ექსპერტი ინფიცირებულის სამედიცინო ექსპერტიზას ატარებდა. ბოლო მონაცემებით, ტაილანდში COVID-19-ის 2613 შემთხვევაა დადასტურებული, 34 ადამიანი გარდაიცვალა. სამედიცინო ორგანიზაციები, მათ შორის ჯანდაცვის მსოფლიო ორგანიზაცია, მოუწოდებს ადამიანებს, ვინც ინფიცირებულთა ცხედრებთან მუშაობს, მაქსიმალური სიფრთხილე გამოიჩინონ, ვინაიდან ამ დრომდე ბოლომდე უცნობია, კონკრეტულად როგორ ვრცელდება ვირუსი.

 

წყარო: dailymail.co.uk

tbilisi
ლოტკინისა და ზღვისუბნის დასახლებებში რეკრეაციული სივრცეები მოეწყობა

ნაძალადევის რაიონს რეკრეაციული სივრცეები შეემატება, - განაცხადა დედაქალაქის მერმა კახა კალაძემ მთავრობის სხდომაზე და აღნიშნა, რომ შესაბამისი სამუშაოები ლოტკინის დასახლებაში, ხუდადოვის ქ. N102-თან განხორციელდება.

მისი თქმით, ინფრასტრუქტურული და გამწვანების სამუშაოები ნახევარ ჰექტარ ფართობ ტერიტორიაზე შესრულდება.

„მოეწყობა სპორტული მოედანი, დამონტაჟდება საბავშვო-გასართობი ატრაქციონები, მოსასვენებელი სივრცეები, ტრენაჟორები და ვიდეომონიტორინგის კამერები. ჩატარდება გამწვანების სამუშაოები და დაირგვება სხვადასხვა სახეობის ხე-მცენარე. ტენდერი უახლოეს დღეებში გამოცხადდება, რომლის დასრულებისთანავე გამარჯვებული კომპანია სამუშაოებს დაიწყებს. პროექტის განსახორციელებლად ადგილობრივი ბიუჯეტიდან 1 800 000 ლარი გამოიყოფა“, - განაცხადა კახა კალაძემ.

თბილისის მერის ინფორმაციით, კიდევ ერთი სკვერი ზღვისუბნის დასახლებაში, მე-3 მიკრორაიონში, მე-5 კვარტლის N25 კორპუსის მიმდებარედ მოეწყობა.

„აღნიშნული ტერიტორიაც სრულად მოწესრიგდება. ჩატარდება გამწვანების სამუშაოები, მოეწყობა სარწყავი სისტემა, განათების ქსელი, დამონტაჟდება საბავშვო ატრაქციონები და მოსასვენებელი სივრცეები. რა თქმა უნდა, განთავსდება სკვერისთვის საჭირო ყველა სხვა ინფრაქტრუქტურა. არაფერი უხდება ჩვენს დედაქალაქს ისე, როგორც მწვანე სივრცეები. შესაბამისად, მომდევნო წლების განმავლობაში ბევრ საინტერესო პროექტს შევთავაზებთ დედაქალაქის მოსახლეობას“, - აღნიშნა დედაქალაქის მერმა.

მისი თქმით, პროექტის განსახორციელებლად ადგილობრივი ბიუჯეტიდან, დაახლოებით, 1 200 000 ლარი დაიხარჯება.

See all
Survey
ვინ გაიმარჯვებს რუსეთ - უკრაინის ომში?
Vote
By the way