პრეზიდენტ დონალდ ტრამპის სპეციალურმა წარმომადგენელმა უკრაინასა და რუსეთის საკითხებში, კიტ კელოგმა, განაცხადა, რომ შეერთებული შტატები აღიარებს რუსეთის მოთხოვნების ლეგიტიმურობას NATO-ს აღმოსავლეთით გაფართოებასთან დაკავშირებით და მზადაა განიხილოს ეს საკითხი უკრაინაში ომის მშვიდობიანი დარეგულირების ნაწილად, როგორც უკრაინის, ისე მოლდოვასა და საქართველოსთან მიმართებით.
კელოგმა ABC-თან ინტერვიუს დროს დაადასტურა, რომ ტრამპი მზადაა კრემლის ლიდერ ვლადიმირ პუტინს მისცეს გარანტია, არ გააფართოვოს NATO აღმოსავლეთით, თუ ასეთი მოთხოვნა ომის დასრულების პირობა გახდება.
„ეს არის ერთ-ერთი საკითხი, რომელსაც რუსეთი წამოჭრის. და ისინი მხოლოდ უკრაინაზე არ საუბრობენ – ისინი საუბრობენ საქართველოზეც და მოლდოვაზეც. და ჩვენ ვამბობთ: „კარგი, ყოვლისმომცველად, იცით, ჩვენ შეგვიძლია შევაჩეროთ NATO-ს გაფართოვება თქვენს საზღვართან ახლოს. ეს მათი უსაფრთხოების საკითხია.“ - განაცხადა კელოგმა.
კელოგმა ასევე ხაზგასმით აღნიშნა, რომ უკრაინის NATO-ში გაწევრიანება დღის წესრიგში არ დგას და NATO-ს მინიმუმ ოთხი წევრი სახელმწიფო იზიარებს ამ პოზიციას.
„ჩვენ ვთქვით, რომ ჩვენთვის უკრაინის NATO-ში გაწევრიანება არ განიხილება. და ჩვენ არ ვართ ერთადერთი ქვეყანა, რომელიც ამას ამბობს. ალბათ ოთხ სხვა NATO-ს წევრ ქვეყანას დაგისახელებთ, რომელიც ეწინააღმდეგაბ და NATO-ში შესასვლელად 32-დან 32-ის თანხმობაა საჭირო.“ - განაცხადა კელოგმა
