კავკასიის საერთაშორისო უნივერსიტეტთან სროლა იყო - სროლა ადგილობრივებსა და უცხოელ სტუდენტებს შორის დაპირისპირებას მოყვა

Date: 650

ინციდენტი კავკასიის საერთაშორისო უნივერსიტეტთან - ჩარგლის ქუჩაზე ცოტა ხნის წინ, ადგილობრივებსა და უცხოელ სტუდენტებს შორის ფიზიკური დაპირისპირება მოხდა, რასაც სროლა მოჰყვა. არსებული ინფორმაციით, ერთ-ერთმა ადგილობრივმა ჰაერში ისროლა.

არსებული ინფორმაციით, ადგილობრივმა უცხოელ სტუდენტებს ავტომობილის არასწორი პარკირების გამო შენიშვნა მისცა, რის შემდეგადაც უცხო ქვეყნის მოქალაქეები საქართველოს მოქალაქეს საცხოვრებელ სახლში მიუვარდნენ და დაპირისპირება დაიწყო.

თვითმხილველთა მონათხრობის თანახმად, ამის შემდეგ, ჩარგლის ქუჩაზე მცხოვრებლები "კავკასიის საერთაშორისო უნივერსიტეტის" შიდა ტერიტორიაზე შევიდნენ, როცა ერთ-ერთმა კაცმა ჰაერში გაისროლა.

დაჭრილების ან დაშავებულების შესახებ ინფორმაცია არ ვრცელდება. ერთ-ერთი სტუდენტიამბობს, რომ ერთმანეთს ირანის და საქართველოს მოქალაქეები დაუპირისპირდნენ.

ამ წუთებში სასწავლო დაწესებულებაში პოლიცია და ექსპერტ-კრიმინალისტები მუშაობენ. დაწყებულია სტუდენტების გამოკითხვაც.

შსს-მ მომხდარზე გამოძიება სსკ-ის 236-ე მუხლით დაიწყო, რაც ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღებას გულისხმობს.

tbilisi

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.

See all