,
დილის 11:10 საათზე კავკასიისა და ბალკანეთის რეგიონებში, ასევე ევროპის რამდენიმე ქვეყანაში Google-ის სერვისებზე წვდომა შეიზღუდა.
Outage.Report-ის ინფორმაციით, გათიშვა არამხოლოდ საქართველოს, არამედ სომხეთსა და აზერბაიჯანს, ასევე თურქეთს, საბერძნეთს, ბულგარეთს და ბალკანეთის სხვა ქვეყნებს შეეხო.
Google-ზე წვდომა რამდენიმე დასავლეთ ევროპულ ქვეყანაშიცაა შეზღუდული, მათ შორის გერმანიაში, ნიდერლანდებში, საფრანგეთსა და დიდ ბრიტანეთშიც.
აღსანიშნავია, რომ ჯერჯერობით უცნობია, რა გახდა Google-ის გათიშვის მიზეზი. მომხმარებელს არამარტო საძიებო სისტემაზე, არამედ Youtube-სა და Mail-ზეც არ აქვს.
აშშ-მა და სომხეთმა ბირთვული ენერგიის მშვიდობიანი მიზნებისთვის გამოყენების შესახებ შეთანხმება გააფორმეს, - ინფორმაციას სომხური მედია ავრცელებს.
აშშ-ის ვიცე-პრეზიდენტმა, ჯეი დი ვენსმა და სომხეთის პრემიერ-მინისტრმა, ნიკოლ ფაშინიანმა შეთანხმებას ხელი მოაწერეს პირისპირ გამართული მოლაპარაკებების შემდეგ.
ჯეი დი ვენსმა ნიკოლ ფაშინიანთან გამართულ ერთობლივ პრესკონფერენციაზე განაცხადა, რომ აშშ-ის პრეზიდენტი, დონალდ ტრამპი სომხეთთან პარტნიორობით ძალიან ამაყობს.
„ეს ულამაზესი ქვეყანაა. ქვეყანა, რომელთან პარტნიორობითაც აშშ-ის პრეზიდენტი ძალიან ამაყობს. სომხეთისთვის არა მხოლოდ მშვიდობას, არამედ სომხეთისა და აშშ-სთვის ეკონომიკურ კეთილდღეობას ვქმნით“, - აღნიშნა ვენსმა.
