ვერტმფრენი, რომელშიც ირანის პრეზიდენტი ებრაჰიმ რაისი იმყოფებოდა, ქვეყნის ჩრდილო-დასავლეთით ჩამოვარდა, იუწყება ირანის სახელმწიფო ტელევიზია Press TV. ანგარიშში რაისის მდგომარეობა არ დაკონკრეტებულა.

გარდა ამისა, ვრცელდება ინფორმაცია, რომ შემთხვევის ადგილზე მისვლას მაშველები ცდილობენ, თუმცა უამინდობის გამო სიტუაცია რთულია.

კვირას რაისი აზერბაიჯანში ჩავიდა, სადაც ქვეყნის პრეზიდენტ ილჰამ ალიევთან ერთად მონაწილეობა მიიღო ხუდაფერინის ჰიდროელექტროკომპლექსის ექსპლუატაციაში შესვლისა და გიზ გალასის ჰიდროელექტრო კომპლექსის გახსნაში.