USD 2.7306
EUR 3.1189
RUB 3.4729
Tbilisi
კაცობრიობის ისტორიაში ერთ-ერთ ყველაზე დიდ თაღლითს, კრიპტობირჟა FTX-ის დამფუძნებელს 25 წლით პატიმრობა მიესაჯა
Date:  345

ამერიკის შეერთებული შტატების ფედერალური სასამართლოს გადაწყვეტილებით, კრიპტოინდუსტრიის ისტორიაში ერთ-ერთი ყველაზე მასშტაბური თაღლითური სქემის ორგანიზატორს და გაკოტრებული FTX-ის დამფუძნებელს, სემ ბენკმენ-ფრიდს თავისუფლების აღკვეთა 25 წლის ვადით მიესაჯა. გარდა ამისა, მის კომპანიას 11 მილიარდი დოლარის მოცულობის ჯარიმის გადახდა დაეკისრა.

FTX-ის დამფუძნებელს ბრალად ედება თითქმის ყველაფერი, რაც ფინანსურ დანაშაულს უკავშირდება - ფულის გათეთრებით დაწყებული, თაღლითობით და ინვესტორების აქტივების მიტაცებით დამთავრებული.

აღსანიშნავია, რომ პროკურატურა ბენკმენ-ფრიდის 50 წლით დაპატიმრებას მოითხოვდა, თუმცა სასამართლომ აღნიშნული მოთხოვნა მხოლოდ ნაწილობრივ დააკმაყოფილა.

ბენკმენ-ფრიდმა ბოლო დროის ერთ-ერთი ყველაზე მასშტაბური თაღლითური პროექტი, FTX შექმნა, რომელიც ერთ დროს ყველაზე სწრაფად მზარდი კრიპტობირჟა იყო.

ეგვიპტის პირამიდებისგან განსხვავებით, ფინანსურ პირამიდებს დიდ ხანს სიცოცხლე არ უწერიათ და 2022 წელს FTX-მაც კოლაფსი განიცადა, რის შედეგად ინვესტორებმა დაახლოებით 65 მილიარდი დოლარის აქტივები დაკარგეს. FTX-ის მიერ ინდუსტრიაზე მიყენებული არაპირდაპირი ზარალის მოცულობა კი $200 მილიარდს აღწევს, რაც ბენკმენ-ფრიდს კაცობრიობის ისტორიაში ერთ-ერთ ყველაზე დიდ თაღლითად აქცევს.

tbilisi
ნაძალადევის რაიონში რამდენიმე დასასვენებელი სივრცე რეაბილიტირდა
ნაძალადევის რაიონში, დასასვენებელი სივრცეების მოწყობის პარალელურად, საპარკო ინფრასტრუქტურის აღდგენა-შეკეთება გრძელდება
მიმდინარე წელს რაიონში კიდევ რამდენიმე დასასვენებელი სივრცე რეაბილიტირდა. სულ ახლახან სამუშაოები შესრულდა შემდეგ მისამართებზე:
 
სანზონის დასახლებაში, N10 ა და ბ კორპუსების მიმდებარედ მოსასვენებელ სივრცეში აღდგა დაზიანებული ინვენტარი, დაიდგა საბავშვო ატრაქციონის კომპლექტი, რეაბილიტირდა უსაფრთხოების მოაჯირი და მოეწყო საფეხმავლო ბილიკები;
 
ერწოს ქუჩის N4-თან შეიცვალა ტრენაჟორების დაზიანებული სახურავი, დაიდგა საბავშვო საქანელას კომპლექტი, მოსასვენებელი სკამები და ნაგვის ურნები. დაიგო ხელოვნური საფარიც;
 
ზღვისუბნის დასახლებაში, მე-10 ა კვარტალში, კორპუსი N41-ის მიმდებარედ დაიდგა საბავშვო საქანელას კომპლექტი, მოსასვენებელი სკამები და ნაგვის ურნები;
 
ზღვისუბნის დასახლებაში, მე-3 მიკრორაიონის მე-5 კვარტლის N23 კორპუსთან მდებარე სკვერში დაიდგა საქანელა სკამები, დამონტაჟდა უსაფრთხოების მოაჯირი. ასევე, მოეწყო საფეხმავლო ბილიკები და დაიგო ხელოვნური საფარი.
 
ზღვისუბნის დასახლებაში, მე-11 მიკრორაიონის მე-2 კვარტლის N25 კორპუსთან საბავშვო სივრცე უსაფრთხოების მოაჯირით შემოისაზღვრა.
 
სკვერების აღდგენა-შეკეთების ფარგლებში, საერთო ჯამში, საპარკო ავეჯი 5 მისამართზე განახლდა.
 
აღნიშნული ინფრასტრუქტურული და კეთილმოწყობის სამუშაოებისთვის ნაძალადევის რაიონის გამგეობამ 161 136 ლარი დახარჯა.
საპარკო ინფრასტრუქტურის აღდგენა-შეკეთებას ნაძალადევის რაიონის გამგეობა მომავალშიც გააგრძელებს.
See all
Survey
ვინ გაიმარჯვებს რუსეთ - უკრაინის ომში?
Vote
By the way