,
ბრიტანეთის კოლუმბიის ქალაქ კრანბრუკთან ახლოს მდებარე წმინდა ევგენის კანადის პანსიონში 182 ადამიანის ნეშტი აღმოაჩინეს. ამის შესახებ გამოცემა The Guardian წერს.
ნეშტი საზოგადოებამ Lower Kootenay Band (მკვიდრი ხალხი ბრიტანეთის კოლუმბიის აღმოსავლეთ კოუტენის რაიონში) რადარის მეშვეობით აღმოაჩინა.
ისინი ვარაუდობენ, 182 ადამიანის ნეშტი ეკუთვნის კტუნაქსას ერის წევრებს.
ზოგიერთი ნაშთი სამი-ოთხი მეტრის სიღრმეზე იყო დაკრძალული.
წმინდა ევგენის სკოლა 1890 წელს გაიხსნა. აღინიშნება, რომ აქ გრიპის, ყბაყურას, წითურას, ჩუტყვავილას და ტუბერკულოზის აფეთქებები მეორდებოდა. სკოლას კათოლიკური მისიონერული ორგანიზაცია Oblates of Mary Immaculate მართავდა, რომელიც 48 სკოლას ინახავდა. მათ შორის იყო ინდიელთა პანსიონი კამლუპსში. 1969 წელს ფედერალურმა მთავრობამ სკოლა დახურა. 2000 წელს შენობა გაიხსნა, როგორც St Eugene Resort, გოლფის მოედანი და კაზინო.
24 ივნისს კანადის ქალაქ კამლუპსში, ინდიელთა სკოლა-ინტერნატის მახლობლად კიდევ ასობით უცნობი საფლავი აღმოაჩინეს. მანამდე შეგახსენებთ, რამდენიმე დღის წინ კანადაში, სასკაჩევანში ადგილობრივი მკვიდრი ბავშვების ყოფილი სკოლა-პანსიონის ტერიტორიაზე, 750-მდე მეტი უსახელო საფლავი იპოვეს.
კანადის პრემიერ-მინისტრმა, ჯასტინ ტრუდომ რომის პაპს კანადაში ჩასვლისკენ და კანადის მოსახლეობისთვის სკოლა-ინტერნატების ინციდენტში კათოლიკური ეკლესიის როლის გამო ბოდიშის მოხდისკენ მოუწოდა.
ცნობისთვის, მაისში, კანადაში მდებარე ყოფილი სკოლა-ინტერნატის, Kamloops Indian Residential School-ის მახლობლად 215 ბავშვის ნეშტი იპოვეს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
