,
თბილისის მერის, კახა კალაძის თქმით, პანდემიით გამოწვეული ეკონომიკური პრობლემების გამო, დედაქალაქში დაგეგმილი ინფრასტრუქტურული პროექტების განხორციელება გადაიდება. იმისათვის, რომ ქალაქის ბიუჯეტი გაიზარდოს, კალაძემ ვიცე-მერს, ირაკლი ხმალაძეს დაავალა, რომ საპრივატიზაციო ნუსხა რაც შესაძლებელია გაიზარდოს.
როგორც კალაძე ამბობს, ის პროექტები, რომლებიც დღეს ვერ დაიწყება, არ ნიშნავს, რომ სამომავლოდ არ განხორციელდება.
“მინდა, ვიცე-მერს, ირაკლი ხმალაძეს დავავალო, რომ რაც შეიძლება კიდევ მოვიძიოთ, ეს შეიძლება იყოს: მიწები, შენობა-ნაგებობები, იმისთვის, რომ მოხდეს გაყიდვა და თანხების შემოსვლა. იმიტომ, რომ შემოსავლების ნაწილში სერიოზული კლება და სერიოზული პრობლემები გვაქვს. მე მესმის, რომ ბევრი რაღაც არსებული ვითარებიდან გამომდინარე დახურულია, ჯერ კიდევ არ არის ის ეკონიმიკური აქტივობები, რომელიც მნიშვნელოვანი იყო ჩვენი ბიუჯეტისთვის. შესაბამისად, მოიძიეთ ყველაფერი, იმისთვის, რომ გავზარდოთ შემოსავლები. ჩავრთოთ ბიზნესსექტორი. რაც გვაქვს შესაძლებლობა საპრივატიზაციო ნუსხა, კიდევ უფრო გავზარდოთ, იმისთვის რომ გვქონდეს მეტი შემოსავალი და ამით შევძლებთ მეტი პროექტის განხორციელებას და უფრო მეტი ადამიანის დახმარებას”, — განაცხადა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
