,
„ქართული ოცნების“ გენერალური მდივნის, კახა კალაძის განცხადებით, ოპოზიციის წარმომადგენლები ყველაფერს აკეთებენ იმისთვის, რომ საქართველომ ევროკავშირის კანდიდატის სტატუსი ვერ მიიღოს.
კალაძის შეფასებით, ოპოზიციის წარმომადგენლები ქვეყნის მტრები არიან.
„ეს ადამიანები თავიანთი ქმედებებით და კონკრეტული გადადგმული ნაბიჯებით, რა თქმა უნდა, ეწინააღმდეგებიან იმას, რომ ქვეყანამ კანდიდატის სტატუსი მიიღოს. ყველაფერს აკეთებენ იმისთვის, რომ ჩვენმა ქვეყანამ სტატუსი არ მიიღოს. ესენი არიან ადამიანები, რომლებიც პირდაპირ არიან ამ ქვეყნის მტრები, ჩვენი ევროინტეგრაციის და ევროპული ინტეგრაციის მტრები არიან, ეს პირდაპირ შეიძლება ითქვას. ყველაფერს აკეთებდნენ ვიზალიბერალიზაციის პროცესი, როდესაც მიდიოდა, კაბინეტებში დარბოდნენ, რომ აღნიშნული გადაწყვეტილება არ მომხდარიყო. იგივე იყო ასოცირების ხელშეკრულების გაფორმების დროს და დღეს იგივე ხდება.
საქართველო აღნიშნულ სტატუსს მართლა იმსახურებდა. თუ რომელიმე ქვეყანას კარგი მაჩვენებლები აქვს და წინ გადადგმული ნაბიჯები ჰქონდა, ეს ჩვენი ქვეყანა იყო. საუკეთესო იყო და ეს თავადვე აღნიშნეს, რომ საქართველოსთან მიმართებით უსამართლო გადაწყვეტილება მიღებული იყო. გასაგებია პოლიტიკური გადაწყვეტილება მიღებული იყო და მოგვცეს, ეს 12 პუნქტიანი გეგმა, მზად ვართ და ამ 12 პუნქტიან გეგმასაც ზედმიწევნით ვასრულებთ, რომ ვინმეს სალაპარაკო არაფერი დარჩეს. მინდა მჯეროდეს, რომ უსამართლო გადაწყვეტილება მიღებული არ იქნება და კიდევ ჩვენი ქვეყნის მოსახლეობა არ დაიჩაგრება“,- განაცხადა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
