,
თბილისის მერი, კახა კალაძე ამბობს, რომ იპოდრომის ტერიტორიაზე პარკის გაშენებისთვის პროცესი უკვე დაწყებულია.
მანვე ჟურნალისტებს, იპოდრომის მიმდებარედ "ვისოლ ჯგუფის" დაგეგმილ ცათამბჯენების პროექტზე განუცხადა, რომ თამარაშვილის N13-ს არანაირი კავშირი არ აქვს იპოდრომის ტერიტორიასთან.
"იპოდრომის ტერიტორიაზე გაშენდება პარკი, რომლის პროცესი უკვე დაწყებულია. აღნიშნულ სამუშაოებს აკეთებს საქველმოქმედო ფონდი "ქართუ", ბატონი ბიძინა ივანიშვილის ოჯახი უშუალოდ არის ჩართული პროექტის განხორციელებაში. აღნიშნული ტერიტორია "ქართუმ" და ბიძინა ივანიშვილმა გადმოსცა მუნიციპალიტეტს და პარალელურად, თვითონ ახორციელებს ინვესტიცია, რომ ქალაქს ჰქონდეს ცენტრალური პარკი",- ამბობს კალაძე.
აღსანიშნავია, რომ პროექტი, რომელსაც "ქართუ ფონდი" ახორციელებს, ჯერ კიდევ 2020 წელს დაანონსდა. თბილისის მერმა კახა კალაძემ ფონდის გამგეობის თავმჯდომარე ნიკოლოზ ჩხეტიანთან ერთად იპოდრომის ყოფილ ტერიტორიაზე საქალაქო პარკის მოწყობის სამუშაოები ოფიციალურად სწორედ 2020 წელს გახსნა. ტერიტორია ფონდმა "ქართუმ” თბილისის მუნიციპალიტეტს ჩუქების ხელშეკრულების საფუძველზე გადასცა. 2022 წელს პროექტში გარკვეული ცვლილებები შევიდა და როგორც ფონდმა განაცხადა, იპოდრომზე ცენტრალური პარკის მოწყობა დაახლოებით $20 მლნ დაუჯდება.
ირანის სასამართლოს განცხადებით, ერფან სოლტანის სიკვდილით დასჯა არ აქვს მისჯილი, - ინფორმაციას The Guardian-ი ირანის სახელმწიფო მედიაზე დაყრდნობით ავრცელებს.
ირანის სასამართლოს ცნობით, 10 იანვარს საპროტესტო აქციებზე დაკავებული 26 წლის ერფან სოლტანი ქარაჯის ცენტრალურ სასჯელაღსრულების დაწესებულებაში იმყოფება.
სასამართლოს განცხადებით, სოლტანის ბრალი წაუყენეს „ქვეყნის შიდა უსაფრთხოების წინააღმდეგ შეთქმულებისა და რეჟიმის წინააღმდეგ პროპაგანდული საქმიანობისთვის“.
სასამართლოს განცხადებაში აღნიშნულია, რომ მსგავს ბრალდებებზე სიკვდილით დასჯა არ ვრცელდება.
მანამდე, სოლტანის ოჯახმა ინფორმაცია გაავრცელა, რომ ერფანის სიკვდილით დასჯა გადაიდო.
