USD 2.6760
EUR 2.8713
RUB 2.9096
Тбилиси
კახა კალაძე - „სითი პარკის“ მიერ დაჯარიმებულ 6000-მდე ადამიანს ჯარიმა ჩამოეწერება, ხოლო პარკირების წესების დარღვევისთვის ჯარიმები გაიზრდება და წესები გამკაცრდება
дата:  492

თბილისის მერის, კახა კალაძის განცხადებით, დედაქალაქში პარკირების წესების დარღვევისთვის ჯარიმები იზრდება, წესები კი მკაცრდება.

როგორც მან თბილისის მთავრობის სხდომაზე განაცხადა, სატრანსპორტო პოლიტიკისა და პარკირების რეფორმის ფარგლებში, მერიამ მოამზადა საკანონმდებლო პაკეტი, სადაც მთელი რიგი ცვლილებები იყო გაწერილი. პარლამენტმა კი ეს კანონი მიიღო.

„ვფიქრობ ამ ცვლილებების გატარება ძალიან მნიშვნელოვანია, რომ ის პრობლემები, რაც პარკირების მიმართულებითაა, ყველანაირად იყოს მოწესრიგებული და ქალაქში ყველამ იცოდეს თავისი ადგილი.

ცვლილებების თანახმად, A კატეგორიის ტაქსებისთვის განკუთვნილ ადგილზე სხვა სატრანსპორტო საშუალებების პარკირების შემთხვევაში, ჯარიმა არსებული 10 ლარის ნაცვლად, გახდა 50 ლარი. ეს სივრცეები არის გამოყოფილი მხოლოდ A კატეგორიის ტაქსის მძღოლებისთვის.

ელექტრომობილების დამუხტვისთვის განკუთვნილ ადგილებზე გვაქვს შემთხვევები, რომ არის ამ ადგილებში არა ელექტრომობილები, არამედ ჩვეულებრივი ავტომობილები დგანან, რაც სერიოზულ პრობლემას უქმნის ელექტრომობილების მფლობელებს. შესაბამისად, ჯარიმა, რომელიც იყო 10 ლარი, გახდება 50 ლარი.

ასევე, პარკირების ადგილებზე სხვადასხვა რაიონებში განსაკუთრებით ცენტრალურ ქუჩებზე, სადაც ავტომობილები თვეობით და წლობით იყო გაჩერებული, მაგალითად, კოტე აფხაზის და სხვა ქუჩებზე, სერიოზულ დისკომფორტს უქმნიდა როგორც ადგილობრივ მოსახლეობას, ასევე სხვა ავტომობილების მძღოლებს, აქაც ჯარიმა 10 ლარიდან 100 ლარამდე გაიზარდა, განმეორებით შემთხვევაში კი გაორმაგდება ჯარიმა და იქნება 200 ლარი.

სატრანსპორტო საშუალებების გზაზე მიტოვება მფლობელს მხოლოდ 3 თვის განმავლობაში შეეძლება, მეტი დროით გაჩერების შემთხვევაში ავტომობილის მესაკუთრე დაჯარიმდება 50 ლარით. აკრძალული ნიშნის „აქ დგომა აკრძალულია“ და ა.შ. მოთხოვნის დაუცველობისას კი ჩვენს უფლებებს, მანქანის ბლოკირების უფლებაც დაემატება.

პარკირების წესების დარღვევაზე საჯარიმო ქვითრის განმეორებით ჩაუბარებლობის ან ჩაბარებაზე უარის თქმის შემთხვევაში, საჯარიმო ქვითარი ოფიციალურ ვებ-ვერდზე გამოქვეყნდება, ხოლო თუ პირი პარკირების წესების დარღვევისთვის გამოწერილ ჯარიმას 10 კალენდარულ დღეში გადაიხდის მას ჯარიმის თანხა 20 პროცენტით შეუმცირდება,“ - განაცხადა კახა კალაძემ.

კახა კალაძის განცხადებით, „სითი პარკის“ მიერ დაჯარიმებულ 6000-მდე ადამიანს ჯარიმა ჩამოეწერება. ამის შესახებ კალაძემ დედაქალაქის მთავრობის სხდომაზე განაცხადა.

კალაძის განცხადებით, აღნიშნულ ინიციატივას პარლამენტმაც დაუჭირა მხარი.

„მინდა მოგაწოდოთ ინფორმაცია ჯარიმების ჩამოწერაზე, რომელიც ეხება „სითი პარკის“ მიერ დაჯარიმებულ ადამიანებს. თქვენ იცით, რომ 2018 წლის 10 აპრილიდან ჩვენ ხელშეკრულება შევწყვიტეთ „სითი პარკთან“ და ერთ-ერთი მთავარი მოტივი სწორედ ეს იყო, რომ არასწორად ხდებოდა ადამიანების დაჯარიმება. დაახლოებით 6000-მდე დაჯარიმებულ ადამიანს, რომელიც ჯერ აღსრულებაში არ იყო მოყვანილი, დაახლოებით მილიონამდე ჯარიმა ჩამოეწერება. ჩვენ ეს ინიციატივა მოვამზადეთ და პარლამენტში გადავაგზავნეთ, რომელსაც მოყვა მხარდაჭერა და მინდა პარლამენტის თითოეულ წევრს მადლობა გადავუხადო ამ მხარდაჭრისთვის. ვფიქრობ, ეს ამნისტია, რომელიც განხორციელდა. ქალაქის მოსახლეობისთვის, ძალიან დადებითი და მნიშვნელოვანია“, - განაცხადა კალაძემ.

спорт
საქართველოს ძიუდოისტთა შერეული ნაკრები ევროპის ვიცე-ჩემპიონია
ხორვატიის დედაქალაქ ზაგრებში მიმდინარე კონტინენტის პირველობის დასკვნით დღეს შერეული გუნდური ჩემპიონატი მოეწყო. საქართველოს ქალთა და ვაჟთა შერეული ნაკრები - ლაშა ბექაურის, გურამ თუშიშვილის, ლაშა შავდათუაშვილის, ეთერ ლიპარტელიანის, სოფიო სომხიშვილისა და მარიამ ჭანტურია შემადგენლობით - ფინალში საფრანგეთის ნაკრებს დაუპირისპირდა, შეხვედრა ანგარიშით 0 : 4 დათმო და ვერცხლის მედალს დაეუფლა.
ფინალამდე ქართველმა ძიუდოისტებმა იტალიას ანგარიშით 4:3, ხოლო ხორვატიას ანგარიშით 4:1 სძლიეს.
ევროპის ჩემპიონატის გუნდურ ტურნირს საქართველოს კულტურისა და სპორტის მინისტრის პირველი მოადგილე იოსებ ბაღათურია, ხორვატიის რესპუბლიკაში საქართველოს საგანგებო და სრულუფლებიანი ელჩი ზაზა გოგსაძე და საქართველოს ძიუდოს ეროვნული ფედერაციის პრეზიდენტი გიორგი ათაბეგაშვილი ესწრებიან.
შეგახსენებთ, რომ ევროპის ჩემპიონატზე ინდივიდუალურ ასპარეზობაში ოქროს მედლები ვაჟა მარგველაშვილმა და ტატო გრიგალაშვილმა, ვერცხლი ილია სულამანიძემ და გურამ თუშიშვილმა, ბრინჯაო კი ეთერ ლიპარტელიანმა, ლაშა ბექაურმა და ლაშა შავდათუაშვილმა მოიპოვეს.
более
голосование
ვინ გაიმარჯვებს რუსეთ - უკრაინის ომში?
голосование
Кстати