,
„ქართული ოცნების“ გენერალური მდივნის, თბილისის მერის კახა კალაძის განცხადებით, მომავალ პრემიერ-მინისტრად ახლანდელი პრემიერი, გიორგი გახარია განიხილება.
აღნიშნულით კალაძემ უპასუხა ჟურნალისტების შეკითხვას, განიხილება თუ არა მომავალ პრემიერ-მინისტრად თეა წულუკიანის კანდიდატურა და რა ცვლილებები იქნება მომავალი მთავრობის კაბინეტში.
კალაძის თქმით, თუ ვინ სად გააგრძელებს საქმიანობას ცნობილი გახდება მაშინ, როდესაც პარლამენტი დაამტკიცებს მთავრობას.
„თუ ვინ სად მოიაზრება და როგორ მოხდება გადანაწილება, ეს ცოტა მოგვიანებით, როდესაც პარლამენტი დაიწყებს მუშაობას, დაამტკიცეს მთავრობას. თქვენ იცით, რომ პრემიერ-მინისტრი გიორგი გახარია განიხილება მომავალ პრემიერ-მინისტრად. რაც შეეხება მთავრობის სხვა წევრებს, თუ ვინ რა მიმართულებით გააგრძელებს მუშაობას, მოემსახურება ჩვენს ქვეყანას და ჩვენი ქვეყნის მოსახლეობას, ეს ცოტა მოგვიანებით“, - განაცხადა კალაძემ.
შეგახსენებთ, რომ არაოფიციალური ინფორმაციით, „ქართულ ოცნებაში“ თეა წულუკიანის შესაძლო გაპრემიერების საკითხი იხილებოდა, თუმცა როგორც ინფორმირებული წყაროები აცხადებენ, ამჟამად წულუკიანის კანდიდატურა მეათე მოწვევის პარლამენტის პირველი ვიცე-სპიკერის პოსტზე განიხილება და ამავდროულად, ისევ გრძელდება საუბარი მის შესაძლო პრემიერ მინისტრობაზე.
