,
განცხადებები იმასთან დაკავშირებით, რომ ბიძინა ივანიშვილი აპირებს პოლიტიკაში დაბრუნებას, ეს არის ძალიან დიდი ტყუილი და სიცრუე , - ამის შესახებ თბილისის მერმა კახა კალაძემ ჟურნალისტებთან განაცხადა.
მისი თქმით, ბიძინა ივანიშვილს დღეს ქართულ პოლიტიკასთან კავშირი არ აქვს.
„როდესაც გინდათ ამბობთ, რომ ბიძინა ივანიშვილი პოლიტიკაშია და ის მართავს პოლიტიკურ პროცესებს, როდესაც გაწყობთ და თქვენთვის არის მისაღები, მაშინ ამბობთ, რომ ის შეიძლება პოლიტიკაში დაბრუნდეს. ამ ადამიანმა მაშინ, როდესაც საჭირო იყო გააკეთა განცხადება პოლიტიკიდან გასვლასთან დაკავშირებით. მას შემდეგ მას არანაირი კავშირი არ აქვს ქართულ პოლიტიკასთან. რა თქმა უნდა, ის სარგებლობს ძალიან დიდი ავტორიტეტით ჩვენ მოსახლეობაში, რადგან უამრავი სიკეთე აქვს გაკეთებული ქველმოქმედების სახით და დღესაც რა თქმა უნდა, ასეთი პროექტები მთელი ქვეყნის მასშტაბით გრძელდება, რომელსაც „ქართუ ფონდი“ და ბიძინა ივანიშვილის ოჯახი ახორციელებს. შესაბამისად, განცხადებები იმასთან დაკავშირებით, რომ ის აპირებს პოლიტიკაში დაბრუნებას, ეს არის ძალიან დიდი ტყუილი და სიცრუე“, - განაცხადა კალაძემ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
