,
ჩვენი პრინციპული პოზიციაა, ჩვენი ქვეყნის ინტერესი დავიცვათ. არავის თავი არ დავუხაროთ, მოწოდების სიმაღლეზე ვიყოთ,- ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა.
ამასთან, განმარტა, რომ ხშირად ყოფილა, როდესაც ევროპარლამენტარებს ბინძური რეზოლუციები მიუღიათ.
„რაც შეეხება ჩვენს რიტორიკას. ჩვენი პრინციპული პოზიციაა, ჩვენი ქვეყნის ინტერესი დავიცვათ. არავის თავი არ დავუხაროთ, ვიყოთ მოწოდების სიმაღლეზე. ეს პრინციპული პოზიცია ყოველთვის იქნება შენარჩუნებული. პირველია ჩვენი ქვეყანა, ეროვნული ინტერესი.
ივანიშვილთან დაკავშირებით ბინძური სპეკულაციებია. რას წარმოადგენს ეს ადამიანი, საზოგადოებამ, ჩვენი ქვეყნის მოსახლეობამ კარგად იცის მისი გაკეთებული საქმეებით, განვლილი ცხოვრებით. ხშირად ყოფილა, როდესაც ევროპარლამენტარებს ბინძური რეზოლუციები მიუღიათ, შემდეგ უკვე ვნახეთ, როგორ კეთდებოდა რეზოლუციები და განცხადებები. მარტივად დადასტურდა, რომ ფულის გადახდით ხდებოდა რეზოლუციების მიღება, განცხადებების გავრცელება, ასევე, კამპანია სააკაშვილის გადარჩენაზე, ჯერ რა ჰქონდა გადასარჩენი?! ეს განცხადებები ჩალის ფასია“,-აღნიშნა კალაძემ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
