,
სრული პასუხისმგებლობით ვაცხადებ იმას, რომ ვერცერთი სანქცირებული კომპანია პირდაპირ ფრენებს ვერ განახორციელებს, - ამის შესახებ დედაქალაქის მერმა კახა კალაძემ რუსეთთან პირდაპირი ფრენების აღდგენასთან დაკავშირებით განაცხადა.
როგორც მან აღნიშნა, როგორც ფრენები, ისე რუსეთთან უვიზო მიმოსვლა, მხოლოდ ცალმხრივად იყო სანქცირებული, რაც მისივე შეფასებით, ძალიან ცუდი იყო.
„როგორც რუსეთთან ფრენები, ისე უვიზო მიმოსვლა, მხოლოდ ცალმხრივად იყო სანქცირებული, რაც ძალიან ცუდი იყო. გადაწყვეტილება, რომელიც რამდენიმე დღის წინ მიიღეს, განაპირობებს იმას, რომ ხვალიდან პირდაპირი ფრენები დაიწყება და ეს ადამიანებს მისცემს საშუალებას, რომ არა რომელიმე ქვეყნის გავლით, არამედ პირდაპირ ეწვიონ რუსეთის რომელიმე ქალაქს, იმ შემთხვევაში, თუ ამის სურვილი აქვს.
სრული პასუხისმგებლობით ვაცხადებ იმას, რომ ვერცერთი სანქცირებული კომპანია პირდაპირ ფრენებს ვერ განახორციელებს. ამას შესაბამისი უწყებები სწავლობენ და ვერცერთი სანქცირებული კომპანია პირდაპირ ფრენებში ვერ ჩაერთვება. ის კონკრეტული ფაქტი, რომ კომპანია „აზიმუტს“ საიტზე აფხაზეთი და სამაჩაბლო დამოუკიდებელ სახელმწიფოებად ჰქონდა მოხსენებული, ძალიან ცუდია, თუმცა, ოკუპირებული ტერიტორიები დამოუკიდებელი სახელმწიფოების სიიდან უკვე ამოღებულია.
ოკუპაცია ძალიან დიდი პრობლემაა და რა თქმა უნდა, ჩვენმა ხელისუფლებამ ყველაფერი უნდა გააკეთოს იმისთვის,რომ ამ ტერიტორიების დეოკუპაცია მოვახერხოთ“, - განაცხადა კახა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
