სტალინის შვილის, იაკობ ჯუღაშვილის შთამომავალი მამაკაცები გატესტეს და G2a1-Z7947 ამოუვიდათ. ესაა კავკასიაში არსებული G2a-ს ყველაზე ახალგაზრდა კლასტერი.
ეს გენომი დასავლეთ ქართული ძირისაა. G2a1 სვანურ-მეგრულია და მისი ეს კლასტერი (G2a1-Z7947) არის ყველაზე ახალგაზრდა - 900 წლის, რომელიც ახასიათებს ოსების (ირონების 60-70%-ს). ამ ადამიანების ერთი საერთო წინაპარი ცხოვრობდა ახ.წ. მე-11 საუკუნეში და იყო დასავლეთ ქართველი, კერძოდ მეგრელი - კერძოდ სიჭინავათა გვარის წარმომადგენელი.
ეს ქართველი მამაკაცი დასავლეთ საქართველოდან წავიდა ჩრდილოეთ კავკასიაში, მაშინდელ დვალეთში, სადაც ცხოვრობდა ქართველი ხალხი - დვალები. ალან-ოვსები ამ ტერიტორიაზე ჩრდილოეთიდან მხოლოდ მე-13 საუკუნეში შემოვიდნენ. დვალეთში ასული სიჭინავა დასახლდა იქ და გამრავლდა. ალან-ოსების შემოსვლის შემდგომ თანდათან მოხდა დვალების და მათ შორის აღნიშნული პიროვნების (სიჭინავას) შთამომავლების თანდათანობითი გაოსება. შემდგომ საუკუნეებში, უკვე მისი შთამომავლობის ნაწილი შემოვიდა აღმოსავლეთ საქართველოში და კვლავ გაქართველდა. სწორედ ერთ-ერთი ასეთი კვლავ გაქართველებული ადამიანი იყო იოსებ სტალინის დიდი ბაბუის დიდი ბაბუა ან კიდევ უფრო შორეული მათი წინაპარი.
ამ ადამიანებმა მრავალი თაობა იცხოვრეს საქართველოში, მოიყვანეს ქართველი ცოლები და ბოლოს დაიბადა იოსებ ჯუღაშვილი, რომლის გვარის ფესვებიც დასავლეთ ქართულია (კერძოდ მოდის სიჭინავას გვარიდან), ხოლო ავტოსომური გენეტიკით სავარაუდოდ 80-90%-მდე ან მეტი იქნებოდა აღმოსავლეთ ქართველი ან საერთოდ ქართველი, ვინაიდან დიდი ხანი ცხოვრობდნენ აღმოსავლეთ საქართველოში მისი წინაპრები. მაგრამ ჯერჯერობით იოსებ ჯუღაშვილის ავტოსომური კვლევა არ ჩატარებულა.